Энэхүү сонирхолтой ёс заншлын гарал үүсэл нь төдийлөн тодорхойгүй бөгөөд зарим хүмүүс эмэгтэйчүүдийг боол болгон зардаг байсан үеэс гаралтай гэж үздэг бол зарим нь хүзүүгээ бар тэргүүтэй зэрлэг амьтдын аюулаас хамгаалах үүднээс хүзүүндээ төмөр цагираг зүүдэг байсан гэж итгэдэг. Харин хамгийн алдартай, түгээмэл онол нь урт хүзүүг тус үндэстэн онцгой гоо үзэсгэлэнгийн шинжид тооцдог байсантай холбоотой гэдэг аж.

1930-аад оноос циркийн үзүүлбэрүүд Их Британид маш их дэлгэрчээ. Падаунгийн эмэгтэйчүүд эдгээр үзүүлбэрүүдийн гол од байсан бөгөөд олон мянган сониуч үзэгчдийг татдаг байв. Тэднийг урт хүзүүнээс нь болж "эмэгтэй анааш" гэж танилцуулдаг байсан гэнэ. Барууны жуулчид жинхэнэ анааш эмэгтэйг харахын тулд их мөнгө төлдөг учраас Тайландад өдгөө зарим падаунг эмэгтэйчүүдийг ижил шалтгаанаар төмөр цагираг зүүхийг уриалсаар байна.

Гэхдээ одоогоор Падаунгийн эмэгтэй хүн бүр энэ уламжлалыг дагаж мөрдөх шаардлагагүй болжээ. Тэдгээрийн ихэнх нь олон хүнд цагираг зүүж явахад таагүй байдаг тул энэхүү ёсыг халах хүсэлтэй байдаг гэнэ.