Майкл шинэхэн цолоо ихэд талархан хүлээж авсан ба түүний гэр бүлийн эмэгтэй гишүүд болох ээж, эмээ нарынх нь хөл газар хүрэхгүй баярлаж байгаа талаар сэтгэгдлээ хуваалцсан байна. 

Тэрээр хувийн амьдралаа олон нийтэд ил тод байлгахыг хүсдэггүй ч шүтэн бишрэгчид нь хайртай жүжигчнээ ганц бие гэдэгт итгэлтэй байдаг ажээ. Хэдэн жилийн өмнө Майкл загвар өмсөгч Кендал Женнертэй болздог болохыг папараццийн дуран гэрчилж байсан гэнэ. Гэвч тэдний хэн нь ч үүний талаар ямар нэг тайлбар хэлээгүй. 

2019 оны хамгийн дур булаам залуугаар дуучин Жон Леженд шалгарч байсан бөгөөд хамгийн түрүүнд Майклд баяр хүргэж, залгамж халаагаа шилжүүлсэн аж. 

"Баяр хүргэе, залуу минь. Чамд маш их баярлалаа! Би одоо хамгийн халуухан нь байхаа больсон болохоор хөл хорионд санаа зоволгүй  таргалах эрхтэй боллоо." гэж Жон Леженд хошигноод амжсан юм. 

Тэднээс гадна өмнөх жилүүдэд Идрис Элба, Дэвид Бекхэм, Крис Хэмсворт, Чаннинг Татум, Брэдли Купер, Жонни Депп, Райан Рейнольдс, Жорж Клуни, Мэттью Макконахи, Том Круз, Киану Ривз, Брэд Питт нар энэ номинацид багтаж байсан удаатай.