Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Цаг наргүй ажиллаж хөдөлмөрлөсөөр бид ямар гайхалтай ертөнц дээр амьдарч байгаа билээ гэдгээ хүртэл мартаж орхидог. Доор дурьдах хачирхалтай баримтуудыг мэдэж авснаар таны амьдралыг харах өнцөг өөрчлөгдөх болно гэдэгт итгэлтэй байна .
350 сая жилийн өмнө жилд 385 өдөр байсан бөгөөд нэг өдөр 23 цаг л үргэлжилдэг байв. Харин өнөө цагт сар жил бүр дэлхийгээс 3.8 сантиметрээр холдож, манай гаригийн эргэх хурдыг сааруулснаар өдрүүд уртассаар байгаа гэнэ.
Алдарт "Тунгусын солир" нь 1908 онд 54 мянган км/цаг хурдтай агаар мандалд орж, Сибирийн дээр 8.5 километрийн өндөрт дэлбэрчээ. Үүний үр дүнд үүссэн галан бөмбөг 185 цөмийн бөмбөгний хүчтэй цохилтын долгионыг гаргав. Дэлбэрэлтээр 2150 км орчим радиуст газрын бүх мод сүйдэж, олон амьтан үрэгдсэн байна.
5.5 сая жилийн өмнө тектоникийн шилжилтээс үүдэлтэйгээр Газар дундын тэнгисийн Атлантын далайтай холбогдох хоолой хаагдаж, улмаар бүрэн хатаж ширгэсэн тохиолдол гарч байсан гэж геологчид таамагладаг байна.
Маракайбо нуур нь Гиннесийн номонд бичигдсэн байдаг. Жилд 200 хоног хүртэл аянга цахилгаантай байдаг бөгөөд энэ үеэр минутанд дунджаар 28 удаа цахилгаан цахидаг ажээ. Яагаад усны гадаргуу дээр аянга байнга буудаг вэ гэдэг нь нууцлаг хэвээр байна. Гэхдээ эрдэмтэд шалтгаан нь тухайн нутгийн газарзүйн байршил, бүс нутгийн салхины онцлогоос үүдэлтэй гэж таамаглаж байна.
"Нарны титэм" гэж нэрлэгддэг нууцлаг хэсэг нь гадаргуугаасаа 600 дахин халуун байдаг. Эрдэмтэд одоо болтол учрыг нь олоогүй байна.
Дэлхий тойрог замаа "хамтрагчтай" тойрдог. 2010 онд илэрсэн TK7 нэртэй 300 метрийн урт чулуулаг нь сарны адил манай гаригийн байнгын дагуул гэдгийг тогтоожээ. Энэхүү дагуул нь нарны туяанаас болж дэлхий дээрээс харахад маш хэцүү байдаг тул үүнтэй адил олон дагуулууд байх боломжтой гэж эрдэмтэд таамагладаг.
Сансар огторгуйд өөрийн гэсэн "наргүй", гаригийн системгүйгээр орчлон ертөнцөөр "тэнүүчилдэг" олон гариг байдаг ажээ. Эрдэмтэд ийм гаригуудыг гариг үүсэх эхний үе шатанд өөрийн системээсээ хасагдсан гэж үздэг байна.
Одой гариг Хаумеа нь нарнаас 5.2-7.7 тэрбум километрийн зайтой тойрон эргэлддэг. Энэ бол нарны аймгийн хамгийн хурдан эргэлддэг объектуудын нэг юм. Хэмжээ нь Дэлхий вантай ойролцооболовч 4 цагийн дотор тэнхлэгээ бүрэн тойрдог. хийдэг. Ийм хурдацтай эргэлт нь Хаумейн мөсөн гадаргууг зууван хэлбэрт оруулжээ.
ОХУ нь 17.1 сая хавтгай дөрвөлжин км газар нутагтай, дэлхийн хамгийн том улс. Плутоны гадаргуу нь арай том буюу 17.7 сая хавтгай дөрвөлжин км юм.
Тэнгэрийн ван гаригийн Миранда дагуул дээр Верона нэртэй хавцал байдаг бөгөөд эрдэмтдийн тооцоолсноор Америкийн Гранд Каньоноос 10 дахин гүн байдаг ажээ.
Дагуулын татах хүч, гүнээс нь шалтгаалж хэрэв хүн доош үсэрвэл 12 минутын дараа ёроолд нь хүрэх аж.
Ийм жижиг дагуул яагаад ийм тэгш бус гадаргуутай байдгийг эрдэмтэд одоог хүртэл мэдэхгүй байгаа юм.
Экваторын бүс нутагт ургасан ихэнх жүрж нь боловсорч гүйцээд ч ногоон хэвээр үлддэг. Тиймээс ногоон жүржийг улбар шар болгохын тулд этиленийн хийн тусламжтайгаар хлорофиллийг задалдаг байна.
Халуун дөлөөр дүүрэн хар салхи бол үнэхээр бодит үзэгдэл юм. Эдгээр нь ихэвчлэн ойн түймрийн үеэр тохиолддог бөгөөд халуун агаар нь өөрөө хүчтэй салхи үүсгэдэг бөгөөд хүчилтөрөгчийг гал руу татаж, улмаар галын дөл тэнгэрт хөөрдөг байна.
Тэднийг Меганерес гэж нэрлэдэг бөгөөд орчин үеийн сонотой маш төстэй юм. Дэлгэсэн далавчны урт 65 сантиметр хүрдэг байжээ.
Тэд ойролцоогоор 300 сая жил амьдарч байсан бөгөөд жижиг шавьж агнадаг байжээ.
Тэр үед ийм том шавжнууд яаж, яагаад гарч ирсэн нь одоог хүртэл нууц хэвээр байна.
1990-ээд онд марихуанаас олдсон бодис дээр суурилсан эмийг хүн хэрэглэснээр тархинд эндоканнабиноид гэх систем байдгийг тогтоожээ. Энэ нь хүний бие махбодийн олон функцууд болох хоолны дуршил, дархлаа, хоол тэжээлийн солилцоонд маш чухал ач холбогдолтой байсан ажээ.
