Коммунист дэглэмтэй энэхүү улсад гэрлэлтээ батлуулах асуудлын талаар “38-р параллелиас хойд зүгт: БНАСАУ-д хүмүүс хэрхэн амьдардаг вэ?” номондоо алдартай зохиолч Андрей Ланьков дурджээ. Зохиолч Хойд Солонгост олон удаа зочилж, оршин суугчидтай харьцдаг байсан тул багагүй сонирхолтой мэдээллүүд олж авчээ.
БНАСАУ-ын орчин цагийн түүх нэг л гэр бүлд хамаарах хэд хэдэн гол хүмүүсийн эргэн тойронд болж өнгөрч байгаа юм. Нөхөр Ким Ир Сен 1948 онд засгийн эрхэнд гарснаас хойш бүх гол гавьяа нь түүний гэр бүлийн гишүүд болон өөрт нь хамаатай болсон тул дараагийн Кимийг гарч ирэхэд иргэд шалтгаангүйгээр түүнийг бишрэн шүтэх ёстой болжээ.
Хойд Солонгосын уран зохиолд Солонгосын хойгийн дайны үеэр хамаатан садангаа алдсан өнчин хүүхэдтэй нэгэн цэрэг уулзсан тухай түүх их алдартай байдаг. Ард түмний "эцэг" буюу удирдагч тэрхүү өнчин хүүхдэд санаа тавьж шинэ гэр бүл олж өгдөг тухай тэрхүү зохиолд гардаг байна.
Иймэрхүү түүх нь хүний хувийн асуудалд итгэмээргүй байдлаар оролцдог Хойд Солонгосын дарангуйллын бас нэгэн баталгаа гэж дэлхийн олон оронд хүлээн зөвшөөрөгдсөн байдаг. Гэхдээ эдгээр хэвшмэл түүхүүдийн мөн чанарыг ойлгохын тулд Солонгосын хойг дахь амьдралын хэв маягийн талаар зарим нэг мэдлэгийг олж авах хэрэгтэй.
Эрт дээр үеэс Солонгост гэр бүлийн амьдрал, аз жаргалын талаарх үзэл бодлыг нь эцэг эхчүүд удирддаг байжээ.
Залуучууд зөвхөн ахмадуудын шийдвэрийг дагах л эрхтэй байсан аж. Ким Ир Сен эсвэл Ким Чен Ир-ээр нөхөр эсвэл эхнэрээ сонгуулах нь үнэхээр нэр төрийн хэрэг гэж тооцогддог байна.
Хойд Солонгосчуудад гэр бүл зохиох нь зайлшгүй бөгөөд тодорхой нас хүрэх үед энэ асуудал нэн тэргүүнд тавигдаж эхэлдэг. Эрчүүд 10 жил хашдаг цэргийн албанаасаа халагдаж ирснээсээ хойш хэдэн жилийн дараа гэрлэдэг. Энэ үед тэд 30 орчим настай байх бөгөөд сонгосон хүмүүс нь ихэвчлэн тэднээс 2-3 насаар залуу байдаг.
Эрт 70-аад оны сүүлээр БНАСАУ-д ихэнх гэрлэлтийг эцэг эх, заримдаа дээд тушаалтны шийдвэрээр байгуулдаг байв. Өнөөдөр хосууд өөрсдөө гэр бүл болох шийдвэрээ гаргадаг болсон юм.
Хайр дурлал, мэдрэмжүүд ихэнхдээ амьдралын хамтрагчаа сонгоход анхны үүрэг гүйцэтгэдэггүй байна.
Тэгвэл Хойд Солонгосын охид эсвэл тэдний эцэг эх нь сүйт залууд ямар шаардлага тавьдаг вэ? Дэлхийн бусад улс орны нэгэн адил энэхүү улсын иргэд ихэвчлэн амжилттай хүмүүсийг илүүд үздэг. Зарим нь уран бүтээлчид, дуучдын тухай мөрөөддөг, бусад нь том цолтой цэргийн хүнд дуртай байдаг. Гол нь тухайн хүн ажилсаг, сайхан сэтгэлтэй мөн нэр хүндтэй мэргэжилтэй байх.
Гэрлэлтийн материаллаг ашиг тусыг хайж байгаа охидын хувьд тус улсад олон байдаг бөгөөд энэ талаар тусад нь ярих нь зүйтэй юм. Байнга өнгө мөнгө талаас нь боддог ээж, охид байдаг, гэхдээ тэдний хувьд хамгийн тохиромжтой хүргэний тухай бодол байнга өөрчлөгдөж байдаг.
70-аад онд намын аппаратын ажилтан, офицерууд хамгийн сайн сонголт гэж тооцогддог байв. 80-аад онд дипломатчид, далайчид, гадаад худалдааны ажилчдад, өөрөөр хэлбэл гадаад валютаар нэвтрэх, барууны соёл иргэншлийн ашиг тусыг хүртсэн хүмүүс алдартай байжээ.
Удалгүй дахин өөрчлөлт гарч, "сүүдрийн" бизнес эрхлэгчид ба амжилттай бизнес эрхлэгчид эрэлттэй болсон байна. Энэ эргэлт нь 90-ээд онд тус улсад дахин нэг өлсгөлөн тохиолдсонтой холбоотой бөгөөд зөвхөн өөрийнхөө төлөө ажиллаж, улсаас бага хамааралтай хүмүүс л ямар ч хямралын дараа аз жаргалтай амьдарч чадна гэдгийг уг улсын иргэд ойлгож авчээ.
Сүүлийн 10 жилд бизнес эрхлэгчид хоорондоо гэрлэлтээ байгуулах тохиолдол их болжээ. Энэ нь 19-р зууны үед язгууртнууд баян чинээлэг үйлдвэрчний эсвэл худалдаачдын гэр бүлээс хань хайдаг байсан Европын онцлог байдлыг санагдуулдаг байна.
1945 он хүртэл Хойд Солонгос эмэгтэй хүнд ажилчны үүргийг хуваарилдаг улс орон байв. Коммунистууд засгийн эрхэнд гарч ирснээр бүх зүйл өөрчлөгдсөн. 1946 онд Жендэрийн тэгш байдлын тухай хууль батлагдаж, эмэгтэйчүүдэд санал өгөх эрхийг олгосон байна. Гэвч хүн амын 100 хувь нь нэг нэр дэвшигчийн төлөө санал өгдөг ийм улс оронд Жендерийн тэгш байдал ямар ч утга учиргүй болж байгаа юм.
Нэмж дурдахад, 1915 онд олон эхнэртэй болохыг хуулиар хориглосон байдаг. Мөн гэр бүл салалтыг хөнгөвчилж, эмэгтэйчүүдэд тэтгэмж, жирэмсний амралт авах эрхийг өгчээ. Хууль байнга өөрчлөгдөж, түүнд нэмэлт, заалтыг нэмж оруулсан бөгөөд нэмэлт өөрчлөлтөөр эцэг эхийн амралт нэмэгдсэн - одоо 150 хоног болжээ.
1950-иад оны эхээр тус улсад биеэ үнэлэлтийг эмэгтэйчүүдийн хөдөлмөрийн мөлжлөгийн аргуудын нэг гэж үзэн хориглосон байна. Үүний зэрэгцээ боловсролын насны хязгаарлалтыг арилгаж, БНАСАУ-д багш, эмч зэрэг олон мэргэжлийг эмэгтэйчүүд гүйцэтгэн ажиллах боломжтой болсон юм.
Гэсэн хэдий ч Хойд Солонгос дахь эмэгтэйчүүд эрчүүдээс ихээхэн хамааралтай хэвээр байгаа юм. Хэрэв тус улсын сургуулиудын багш нарын дийлэнх нь эмэгтэйчүүд байдаг бол захирлууд нь бараг үргэлж эрчүүд байдаг. Нөхцөл байдал гэрлэлтийн үед ч үүнтэй ойролцоо байдаг - эцсийн шийдвэрийг үргэлж гэрийн ноён нуруу болох эрчүүд гаргадаг ажээ.
Эх сурвалж: bigpicture
