Нидерландын "MVRDV" барилгын архтектурын компани болон Тяньжин хотын төлөвлөлт дизайн хүрээлэн хамтран тус номын сангийн загварыг гаргасан аж. Бин Хай номын сан нь 1.2 сая боть ном агуулах шийдэлтэй, 1200 уншигчдад зориулсан суудалтай гэнэ.

Барилгын хувьд 6 давхар, үндсэн барилгын өндөр нь 29.6 метр юм. Төв заал нь 21 метрийн диаметр бүхий тойрог хэлбэртэй бөгөөд энд ном унших үед хүн төвлөрч чадах гэнэ. Мөн номын тавиурыг номон уул мэт харагдуулахыг зорьж бүтээжээ.

440 мянган LED гэрэл номын санг гэрэлтүүлэх бөгөөд зарим газраа төрөл бүрийн хэлбэрт болоод ханзны хэлбэртэйгээр суулгагджээ. Түүнчлэн тус номын санд насанд хүрэгчдэд зориулсан ном сэтгүүлийн хэсэгч байдаг гэнэ. Мөн 1 давхартаа онцлон хөгшчүүдэд зориулсан булан нээсэн нь олны сэтгэлд ихэд нийцжээ.

Тус номын сангын давуу тал нь ухаалаг гар утасаа ашиглан бүхий л үйлчилгээг авч болдог байна. Гишүүн болсноор нэг удаадаа дээд тал нь 8 ном авч болдог бол 30 хоног хүртэлх хугацаанд хэрэглээд буцаан өгдөг байна.