"MacWorld"-ын үзэсгэлэн худалдаагаар Стив Жобс хааш хаашаагаа 20 см хэмжээтэй процессор бүхий "бүх цаг үеийн хамгийн гайхалтай компьютер"-ыг танилцуулжээ. "Cube" нэртэй компьютер нь дотроо сэнсгүй бөгөөд гаднаа товчлуургүй байсан нь тухайн үедээ харь гаригаас ирсэн зүйл шиг л сэтгэгдэл төрүүлж байсан юм.

Доод тал нь өнгөгүй материалтай тул яг л ширээн дээр хөвж буй компьютер шиг харагддаг байсны зэрэгцээ асаахын тулд ганц л хүрэх шаардлагатай байв. Тухайн үед уг бүтээлийг үзэсгэлэнгийн танхимд байсан бүгд халуун алга ташилтаар угтжээ.

Стив Жобс ч өөрөө шинэхэн нээлтээрээ сэтгэл хангалуун байсан ба "Wired" сэтгүүлд ярилцлага өгч байхдаа 2 цагийн турш компьютрийнхээ сайн талуудыг магтан ярьсан аж. 

Гэвч хүлээлтээс давсан "Cube" компьютер зөвхөн өөрийн дизайн болон гаднах байдлаараа төгс байсан ч үнийн хувьд хэтэрхий үнэтэй буюу 2400 ам. доллар (одоогийн ханшаар 5000 ам.доллар) байв. Эцэст нь ойролцоогоор 150 хүн л худалдан авалт хийсэн учир "G4 Cube"-ийн үйлдвэрлэлтийг тодорхойгүй хугацаагаар зогсоосон ажээ. 

Одоог хүртэл уг төсөл хаагдаагүй байгаа тул удахгүй эргэж үйлдвэрлэгдэх байх гэсэн найдвар тээж болох юм. Эсвэл үнэхээр энэхүү компьютерыг та өөрийн болгомоор байвал цахим худалдааны сайтуудаас анхны загварыг олох боломжтой. 

Эх сурвалж: qq