Газар дээрх станцын дизайн нь "Starlink" төслийн хамгийн нууцлаг хэсэг боловч "Reddit" сайтын хэрэглэгч "Darkpenguin22" нь анхны хүлээн авагчуудын зургийг цахим сүлжээнд нийтэлсэн байна.

Гэрэл зургийг өндөр хүчин чадалтай дуран ашиглаж дарсан бөгөөд тэдгээрээс харахад уг төхөөрөмж хоёр хэсгээс бүрдэх бололтой. Нэгдүгээр хэсэг нь газар дээрх станцын цахилгаан хэрэгслийг хамгаалах 1.5 метрийн диаметртэй бүрхүүл байх бөгөөд хоёр дахь нь хэрэглэгчдийн терминал буюу антенна аж. Уг терминалыг SpaceX-ийн захирал Илон Маск өмнө нь "шон дээрх нисдэг таваг" хэмээн нэрлэж байсан юм.

Мөн түүний хэлснээр хэрэглэгчид энэхүү антенныг 200 доллараар худалдаж авах гэнэ. Гэвч мэргэжилтнүүдийн үзэж байгаагаар хиймэл дагуулаас интернет авахад бусад үнэтэй эд анги хэрэгтэй бөгөөд зарим нь 1500 доллараас үнэтэй байх аж.  Гэхдээ одоогийн байдлаар "Starlink" бүрэн хэрэгжиж эхлээгүй байгаа учир үнийн талаар мэдээлэллийг тодорхой гаргах боломжгүй.

"Starlink"-ийн туршилтыг дэлхийн тойрог замд  550 километрийн өндөрт 1600 хиймэл дагуулыг хөөргөж хийнэ хэмээн хөгжүүлэгчид  зарласан юм. Уг амлалтыг биелүүлэхийн тулд тэд сар бүр 2 удаа хөөргөж байгаа 60 хиймэл дагуулыг бөгөөд анхны хөөргөлт 2019 оны 5-р сард болсон байна. Тойрог замд нийт 800 хиймэл дагуулыг байршуулсны дараа компанийхан интернетийн дамжуулалтыг эхлэх аж.