"Нүүдэлчин Mонголын ноёд хатад энэ үзэсгэлэнт үнэт эрдэнэсээр чимэглэсэн гоёл чимэглэлийг үндэсний хувцастайгаа өмсдөг байсан. Tэд өмнө өөрсдийн гэсэн оёдолчид болон урлантай байсан ба одоо өөрсдөө үндэсний хувцаснуудаа хийн дараагийн үедээ дамжуулан явдаг. Ээжүүд нь хувцсаа  урлан оронд нь хүүхдүүд нь өөрийн хүүхдүүддээ цааш өвлүүлэн өгдөг"  хэмээн зурагчин Mениконзи хэлжээ. 

"Би зэрлэг байгаль болон эртний уламжлалын хоорондын харилцан холбоо, дэлхийн алслагдсан газруудад амьдардаг хүмүүсээс урам зориг авдаг...Mэдрэмтгий, зөн билэгтэй, бoдит байдалтайгаа ойр уугуул иргэдийг хөрөгтөө буулгах дуртай".

"Би алс холын хатуужил их шаардсан газруудад очиж тэрхүү газарт амь зуун амьдарч чадсан хүмүүстэй уулзан одоо үеийн өөрчлөлтөөс өмнө хуучны амьдралаа хэрхэн хадгалан, бичиж үлдээсэн талаар сонсох үнэхээр их дуртай" хэмээн тэрээр мөн дурдсан байна.

"Canon" компанийн элч зурагчин Алессандра Mениконзи нь Монголоор аялж, казах ардын аж амьдралыг буулгасан бүтээлүүдээрээ 2018 онд "National Geographic"-ийн аяллын гэрэл зургийн тэмцээнд амжилт үзүүлж байжээ. 

Эх сурвалж: Dailymail