Хөл хориотой энэ үед гэрээсээ ажиллагсдын нэг болох  Жижи Хадид өнгөрсөн Лхагва гарагт өөрийн инстаграм хуудаснаа нүүр будалтын зөвлөгөө өгч шууд дамжуулалт /лайв / хийсэн юм. Ингэхдээ тэрбээр өөрийн дагагчдынхаа асуусан асуултуудад хариулсан бөгөөд өөрийг нь гоо сайхны дүүргэгч /филлер/ тарилга хийлгэсэн гэх цуурхлыг үгүйсгэжээ.

''Хүмүүс намайг дугуй булцгар нүүртэй харагдаж байгаа учир дүүргэгч тарилга хийлгэсэн гэж цуурч байх шиг байна. Үнэн гэвэл би анх төрөхдөө л ийм булцгар хацартай байсан. Дээрээс нь таван сартай жирэмсэн гэдгийг ч хэлэх үү. Гэхдээ үүгээрээ би гоо сайхны мэс засалд орсон эмэгтэйчүүдийг буруутгах гэсэнгүй. Дүр төрхөө өөрчилж илүү өөртөө итгэлтэй, аз жаргалтай болдог эмэгтэйчүүдийг муулах шалтгаан надад байхгүй. Харин миний хувьд гэвэл би өөрөө гоо сайхны мэс ажилбаруудаас айдаг. Ямар нэг зүйл муугаар эргэвэл яана гэж боддог гэжээ.''

Дашрамд дурдахад загвар өмсөгч Жижи Хадид анхны хүүхдээ тээж буй бөгөөд энэ оны намар амаржих юм. Түүний хүүхдийн эцэг нь дуучин Зейн Малик юм. Тэд 2015 оноос эхлэн үерхсэн бөгөөд өдгөө эцэг эх болох өдрөө хамтдаа хүлээж байгаа ажээ. 

Эх сурвалж: Harpers Bazaar