1 Тахианы мах

• Өнгө их чухал. Шинэ тахианы махны арьс махнаасаа цайвар байдаг. Хэрэв өнгө нь шар эсвэл боровтор бол битгий худалдаж аваарай.
• Мах хүрэхэд зөөлөн биш, цайвар боргол, чийглэг, цусгүй байвал сайн. Хэрвээ үзүүрнүүд нь хатсан байвал удсан болохыг илтгэнэ.
• Мөн дуусах хугацааг биш, савласан хугацааг шалгаарай. Савлаад 2 хоносон байвал авахгүй байхыг зөвлөж байна.

2 Тарвас

• Ишийг нь хараарай. Хэрэв иш хатсан бор байвал идэхэд бэлэн болсон гэсэн үг. 
• Шар толбыг шалгаарай. Толбо том, бараан байх тусам илүү чихэрлэг байна.
• Тогшиж үзэхэд цуурайтаж буй мэт байвал түүхий бол, хөндий, чанга сонсогдож байвал бүрэн ургаж дууссан байгааг илтгэнэ.

3 Улаан лооль

• Савласан улаан лооль авахгүй байхыг хичээгээрэй. Учир нь шинэлэг байдлыг нь сонгох боломжгүй байдаг.
• Хальс нь гөлгөр, хатуу байдаг. Мөн гарт тань жин мэдрэгдэж байвал сайн. Бүрэн боловсорсон улаан лооль боловсорч амжаагүйгээ бодвол 2 дахин хүнд байдаг.

4 Амтат гуа

• Ногоон биш шар өнгөтэй гуаг сонговол илүү чихэрлэг байх болно.
• Сонгосон гуагаа чихэндээ ойртуулаад үзээрэй. Ус сонсогдож байвал муудсан гэсэн үг.
• 2 үзүүрт нь гараа байршуулаад бага зэрэг шахаад үзээрэй. Зөөлөн байвал чихэрлэг байна.
• Гуагаа тогшиж үзэхэд чичирч байвал боловсорч гүйцсэн байна.

5 Чинжүү

• Өнгө нь толботоогүй, бага зэрэг жинтэй байвал сайн.
• Мөн доод талыг нь харахад 2 эсвэл 3 бондгортой байвал 4 бондгортойгоосоо илүү гашуун байх болно. 4 бондгортой чинжүү мөн илүү бага үртэй байдаг.
• Иш нь ногоон, хатуу байвал шинэ байгаагийн шинж.

6 Загас

• Нүд нь хэлбэрээ алдаагүй, хүүхэн хараа нь хараараа байвал шинэ загас авчээ.
• Хайрс нь гялалзсан, гөлгөр байвал сайн.
• Загасыг базахад гарны тань ором үлдэхгүй байвал шинэ байгаа ажээ.

7 Зуккини

• Хэмжээ нь том байх тусмаа гашуун амттай байна. 15-20 см урттай байвал үр багатай, амттай байдаг.
• Иш нь ногооноороо байвал шинэ гэсэн дохио.

8 Гадил

• Ногоондуу туяатай иштэй гадилын багцыг сонгоорой. Борлож, цоохортсон байвал дэндүү удсан байна.
• Шууд идэхгүй л бол багцаар нь аваарай. Учир нь тусдаа хадгалсан гадил хурдан мууддаг.

9 Зөгийн бал

• Цайвар, тунгалаг зөгийн бал сайн гэсэн үг бас биш. Зөгийн балны өнгө тунгалаг биш байх тусмаа илүү байгалиараа байгааг илтгэнэ.
• Дулаан буурахад зөгийн бал талсжидаг. Зөгийн бал нь өндөр нэгдэлт сахрын уусмал тул усанд уусах чадвар буурч, талсжидаг. Ёроолдоо тунасан байвал шинэ байгаагийн шинж байдаг.

10 Талх

• Орцыг нь хараарай. Бүхэл үрийн гурил гэсэн байвал та зөв сонголт хийжээ. Бүхэл үрийн талх бусад талхыг бодвол шим тэжээлээр баялаг байдаг.
• Мөн талхаа зөөлөн дараад үзээрэй. Буцаж хэвэндээ орвол сайн чанарын талх бол хэвэндээ орохгүй байвал чанар муутай эсвэл өмнө нь хөлдөөсөн байх боломжтой.

11 Цэцэгт байцаа

• Нүхгүй, цоороогүй, үзүүр нь борлоогүй цэцэгт байцааг сонгоорой.
• Өнгө нь цайвар эсвэл гүн ногоон байдаг бөгөөд зөөлөн, өнгө нь муудсан байвал битгий аваарай.

12 Лаазалсан бүтээгдэхүүн

• Үйлдвэрийн алдаагүй савлагаатайг нь сонгон хэрэглээрэй.
• Лаазалсан хүнсний хувьд бид шалгах боломжгүй тул савлагаанд нь анхаарлаа хандуулах хэрэгтэй.

13 Бяслаг

• Гадна талын давхарга зузаан байвал удаан хадгалагджээ. Бяслаг чийгтэй нөхцөлд сайн хадгалагддаг тул гадна давхарга тэр бяслаг хэр удаан хадгалагдсан талаар маш их зүйлийг таньд хэлж чадна.
• Хэрвээ тосон давхаргатай байвал олон янзын температурт хадгалсныг илтгэж байна. Энэ нь шинэ биш байгааг хэлж байна.