Гэгээн Георгийн сүм нь 1352 онд баригдсан боловч 1960-аад оны үед дагагчдаа алдаж эхэлжээ. Оршуулгын ёслолын үеэр дээвэр нурснаар хүмүүс тус сүмийг хараагдсан гэж итгэсэн байна.

Нурсан дээврийг засварлах санхүүгийн нөөц байгаагүй бөгөөд түүнээс хойш маш цөөн хүн сүм рүү шагайжээ.

Түүхэн дурсгалт барилга руу хүмүүсийн анхаарлыг татахын тулд орон нутгийн уран бүтээлч Якуб Хадрава тэнд урлагийн бүтээлүүдээ байрлуулсан байна.

Өдгөө тус сүмийн сандлууд дээр сүсэгтнүүд бус цагаан нөмрөг бүхий хүн дүрст баримлууд суух болсон юм.

Цагаан сүнснүүдийн ачаар, сүм нутгийн ард болон жуулчдын сонирхол татах болжээ. Үзвэрээс олсон мөнгөөрөө сүмийн дээврийг засах зорилготой байгаа аж.

Эдгээр баримлууд нь дэлхийн 2-р дайны үед тус тосгонд хоргодож, ням гараг бүр энэ сүмд залбирал үйлддэг байсан Судетийн Герман хүмүүсийн дурсгалд зориулагдсан байна.

.