1 Цайвар өнгийн хувцаслалт

Бүх тансаг хувцаслалтууд ихэнхдээ цайвар өнгөнөөс бүрдсэн байдаг. Тиймээс хэрвээ та тансаг, ганган, үнэ цэнэтэй харагдахыг хүсэж байвал цайвар өнгийг сонгоорой.

2 Гоёл чимэглэл

Энэ бол бүхий л хувцаслалтын хамгийн үнэтэй бас хамгийн чухал зүйлсийн нэг юм. Хамгийн гол нь хэт чамин биш даруухан харагдах зүйлс сонгох хэрэгтэй. Даруухан чимэглэл нь ямар ч хүнийг илүү эрхэмсэг харагдуулдаг юм шүү.

3 Цайвар өнгийн эсвэл тод өнгийн өндөр өсгийт

Хэрвээ та өндөр өсгийт дээр алхаж чаддаг бол л энэ таныг илүү загварлаг дэгжин харагдуулна.  Үнэтэй брэндийн гутал байна уу, дэлгүүрийн гутал байна уу гэдгээс үл хамаарч хамгийн гол нь та алхаж чаддаг байх хэрэгтэй.

4 Цагаан хувцас

Өөртөө итгэлтэй хүн л цагаан өнгийн хувцас өмсөж чадна. Таны өмсөж буй цагаан хувцас ямар ч толбогүй, үрчлээгүй төгс байх хэрэгтэй гэдгийг санаарай. Өвлийн улиралд ялангуяа тансаг харагддаг.

5 Бүх төрлийн гоёл чимэглэлтэй тохирох хувцас

Эмэгтэйчүүдийн шүүгээн дотор бүх гоёл чимэглэлтэй тохирох үндсэн хувцас байх хэрэгтэй. Энгийн цамц л гэхэд гайхалтай загварыг бүтээж чадна шүү дээ.

6 Дотуур хувцсыг зөв сонгох

Үнэтэй чанартай дотуур хувцас нь бариу хувцасны доороос харагдахгүй. Тиймээс хэрвээ та тансаг харагдахыг хүсэж байвал зөөлөн, үнэтэй дотуур хувцсыг сонгоорой.

7 Чанартай гоо сайхны бүтээгдэхүүн

Өөртөө арчаатай, үзэсгэлэнтэй бүсгүй хэзээ ч чанаргүй гоо сайхны бүтээгдэхүүн хэрэглэж өөрийнхөө арьсыг хорлохгүй. Хямд олон бүтээгдэхүүн биш харин өөрт тохирсон үнэтэй цөөн гоо сайхны бүтээгдэхүүнийг аваарай. Үнээ дагаад чанар гэдгийг гоо сайхны бүтээгдэхүүн батлах болно.

8 Маникюр болон педикюр

Үнэтэй, тансаг дүр төрх хэд хэдэн деталиудын нэгдэл байдаг. Тухайн бүсгүй хичнээн үнэтэй, тансаг хувцасласан байсан ч хумсаа арчлаагүй байвал энэ хувцаслалт үнэ цэнэгүй болно.  Эрчүүд маникюр, педикюр, урууланд анхаарал хандуулдаг гэдгийг санаарай.

9 Спортлог хувцаслалт

Хоорондоо үл зохицох мэт хувцаснуудыг хослуулж үзэх нь орчин үед ихээхэн тархмал болсон. Туршилт хийх зоригтой бай.

10 “Хуучин” хувцаснаас татгалзах

Хуучин хувцсаа эцсийг нь хүртэл өмсөх гэж битгий хичээ. Эс тэгвээс та бусдын өмнө бүтэлгүй, арчаагүй нэгэн мэт харагдана. Өөрийгөө хүндэлдэг эмэгтэй хэзээ ч өнгө нь гандсан цамц, эсвэл бөөстсөн малгайтай цамц өмсөж гадагш гарахгүй. Хувцсаа зааврын дагуу арчлах нь дээрх асуудлыг үүсгэхгүй.