Сенегалаас гаралтай алдарт дуучин маань саяхан улс орондоо хийхээр төлөвлөж буй ажил нь амжилттай явж буй тухай олон нийтийн сүлжээгээр зарласан бөгөөд тэрээр өөрийн Инстаграм, Твиттертээ "Сенегал дахь АКОН СИТИ"  төслийн гэрээг дөнгөж сая хийлээ хэмээгээд гарын үсэг зурсан баримт бичгийг хамтад нь нийтэлсэн байна. 

CNN-ийн мэдээлснээр, Акон хот нь Сенегалын олон улсын нисэх онгоцны буудлаас холгүй орших бөгөөд 7-р сараас ажлыг эхлүүлэхээр төлөвлөж байгаа аж. 

"Akoin" үйлчилгээнд зориулсан вебсайт аль хэдийн ажиллагаанд орсон бөгөөд үүгээр крипто валютын ашиг тус, давуу тал, төлөвлөгөөний талаар дэлгэрэнгүй мэдээлэл өгдөг. 

Дуучин залуу маань Өмнөд Африкийн алмазны уурхайд хөрөнгө оруулалт хийж, тус бизнес нэр хүндэд нь сөргөөр нөлөөлсөн учир үүнийг өөрчлөхийг хүссэн байна. Мөн тэрээр Африк тивийн хөгжиж буй орнуудыг нарны эрчим хүчээр хангах хөтөлбөрийг ч эхлүүлэхээр зэхэж байгаа гэнэ. 

Үүнээс гадна, Кин Гуей Тиамтай хамтран байгуулсан Аконы тусламжийн "Konfidence" сан нь Сенегалын залуу ажиллах хүчинг чадавхижуулахад чиглэсэн үйл ажиллагаа явуулдаг байна.