1
Цусан дахь сахарын түвшин
Агаарын даралт буурснаас болж стрессийн даавар болох кортизоны түвшин нэмэгддэг бөгөөд энэ нь цусан дахь сахарын түвшинг нэмэгдүүлдэг. Тиймээс өвлийн улирал сахарын түвшин эрс нэмэгдэх магадлалтай байдаг аж. Энэ нь мэдээж, чихрийн шижин өвчнөөр өвчлөгсдөд аюултай. Тиймээс цусан дахь сахарын түвшин ихсэхээс сэргийлэхийн тулд хооллолтондоо маш сайн анхаарах хэрэгтэй юм.
2
Хэл болон уруул
Өвлийн улиралд хүмүүс уруулаа их долоох нь ажиглагддаг. Энэ нь хүйтний улиралд агаарын даралт буурч, арьсны чийгшил алдагддагтай холбоотой. Тиймээс арьс харшлын эмч нар уруулаа долоохоос зайлсхийж, зориулалтын тос түрхэх хэрэгтэй хэмээн зөвлөдөг.
3
Шингэн дутагдах
Хүйтний улиралд арьс төдийгүй бие бүхэлдээ шингэнээ алддаг. Гадаа хүйтэн байгаагийн улмаас ам цангаж байгаа нь төдийлөн мэдэгддэггүй. Тиймээс 2 цаг тутам нэг аяга ус ууж байгаарай.
4
Толгой өвдөх
Өвөл хүмүүсийн толгой маш ихээр өвддөг. Эмч нар үүнийг Д амин дэмийн дутагдалтай холбож тайлбарладаг. Үүнээс гадна агаарын даралт буурах, агаар хуурайших, шингэний дутагдалд орох зэрэг нь толгой өвдөхөд нөлөөлдөг.
5
Шүдний мэдрэмтгий байдал
Шүдний ломботой, хиймэл шүдтэй хүмүүсийн хувьд агаарын даралт буурах нь тухгүй байдлыг мэдрүүлдэг. Азаар хүйтний улирал нь шүдэнд тийм ч ноцтой асуудлыг учруулдаггүй. Тиймээс хэт мэдрэмтгий шүдтэй хүмүүс шүдний эмчийн зөвлөсөн оог хэрэглэх нь зүйтэй.
6
Үе мөчний үрэвсэл
Үе мөчний үрэвсэлтэй хүмүүсийн өвчин нь хүйтний улиралд сэдрэх магадлалтай байдаг бөгөөд үүнийг ихэнхдээ агаарын даралтын түвшин бууж байгаатай холбож тайлбарладаг. Үе мөчний үрэвсэл сэдрэхээс урьдчилан сэргийлэхийн тулд дасгал сургуулилт хийж, дулаан гутал, ороолт, малгай, бээлий өмсөж байх хэрэгтэй юм.
