1 Хонконгийн шоргоолжны үүр барилга

Хонконгийн барилгуудын дундаж үнэ нь  1 кв. м  нь 28,000 доллар байдаг аж. Тиймээс Хонконгт амьдралын төвшин илт ялгарах бөгөөд орлогоос хамаарч өөрт тохирох байраа сонгох боломжтой.

2 Ядууст зориулсан байр

Тус хотын хүн амын 20 хувь буюу 1.5 сая хүн ам нь Хонконгийн стандартаар хэмжвэл ядуусын төвшинд багтдаг. Энэ төрлийн хүмүүст зориулсан тусдаа 180х160см-ийн хэмжээтэй 20 ширхэг жижиг өрөөнүүдэд хуваагдсан дотуур байр шиг орон сууц бий.

Энэхүү өрөөнд амьдрах сарын зардал нь 160 доллар хүрдэг байна. Уг өрөөнд амьдарч буй хүмүүс бүгд ажилгүй хүмүүс биш бөгөөд тэд зах дээр худалдаа эрхэлж, аяга таваг угаадаг ч илүү сайхан амьдрах боломжгүй байдаг аж.

3 Доод давхрагынханд зориулсан өрөө

Энэ төрлийн хүмүүст зориулсан түрээсийн байр гэж бий. Энэхүү байранд нийтийн гал тогоо, ариун цэврийн өрөө болон нэг ор, ширээ багтах 5-6 жижиг өрөө байдаг юм. Хэрвээ аз таарвал унтлагын өрөөнд нэг шүүгээ багтах боломжтой. Ихэнх тохиолдолд  иргэд хувцсаа шууд ханан дээрээ өлгөдөг. Уг байрны сарын төлбөр 480 доллар байдаг

4 Залуу хосуудад зориулсан жижиг байр

Хонконгт тусдаа гарч амьдрал зохионо гэдэг нэлээд төвөгтэй асуудал бөгөөд хотын захад амьдрахад л сарын төлбөр нь 1600 доллар  хүрдэг байна. Эрчүүдийн дундаж цалин нь сарын 2400 доллар  байдаг бол бүсгүйчүүдийн 1800 доллар байдаг аж. Тиймээс залуу хосууд ихэнхдээ жижиг байр түрээсэлдэг гэнэ. Бараг л бүх байруудад гал тогооны өрөө гэж байдаггүй бөгөөд эвхэгддэг шүүгээ, тавилга гэх мэт зүйл бий.

5 Дундаж төвшний иргэдийн байр

Тодорхой амжилтад хүрсэн хүмүүс тусдаа гал тогоо, ариун цэврийн өрөөтэй байранд амьдардаг. Энэ төрлийн жижиг байрууд 20–25 кв. м талбайг  эзэлдэг бөгөөд 4-5 хүн амьдардаг аж.

Зарим тохиолдолд хүн тус бүр тусдаа өрөөтэй байдаг бөгөөд өрөөг тусгаарласан ор хийх гэх мэтээр байраа тохижуулдаг байна.