1 Өдөр бүр угаах

Хэдийгээр өдөр бүр үсээ угаах нь муу гэдэг ч энэ бол шинжлэх ухаанаар батлагдаагүй зүйл юм. Та хэрэгтэй гэж бодсон үедээ тогтмол үсээ угаах хэрэгтэй. Хамгийн гол нь шампунь болон үс арчилгааны бүтээгдэхүүнээ зөв сонгоорой. Зурагтаар үс бэхжүүлэх, үсний ургалтыг түргэсгэх, нөхөн сэргээх, үсний уналтыг зогсоох шампуний сурталчилгаа гарч байвал та үүнийг маркетингийн ээлжит хууран мэхлэлт гэдэгт итгэлтэй байж болно. Шампунь хуйхан дээр удаан хугацааны туршид байдаггүй учир үсний угт төдийлөн нөлөөлдөггүй гэдгийг мартаж болохгүй.

2 Маникюр хийлгэх

Үсчингүүдийн үзэж байгаагаар маникюр хийлгэх нь үсийг торгомсог, зөөлөн болоход тустай аж. Маникюр хийлгэснээр үсэнд гялгар бүрхүүл үүсгэдэг бөгөөд энэ нь түр зуур л үр дүнтэй байдаг ба үсний анатомийн бүтцийг алдагдуулдаг. Үр дүнд нь хурдан арилж, дахин асуудал дахин гардаг байна. Үүнээс гадна маникюр хийсний дараа үс хүндэрдэг. Тиймээс үс унах тохиолдол элбэг гардаг учир маникюр хийлгэх хэрэггүй гэж зөвлөж байна. 

3 Шулуун хими

Өдөр бүр үсээ индүүдэхийн оронд нэг удаа кератин агуулсан шулуун хими хийсэн нь хамгийн тохиромжтой. Кератинаар шулуун хими хийх нь маникюр шиг үсийг хүндрүүлдэггүй.

4 Хуйх өвдөх

Бүсгүйчүүдийн хуйх өвдөх нь элбэг тохиолддог асуудал боловч энэ нь нуруу нугасны өвчинтэй холбоотой байдаг гэнэ. Нуруу нугасны асуудалтай байх үед цусны эргэлт мууддаг учир мэдрэлийн төгсгөлүүд өвчлөлд өртдөг байна.

5 Цагаан хоол

Үс нь уургаас бүрдсэн байдаг. Үүнээс гадна уураг нь зүрх, элэг, уушги зэргийг эрч хүчээр цэнэглэж өгдөг. Өөрөөр хэлбэл, хэрвээ таны хоол хүнсэнд уураг дутагдаж байвал нэн түрүүнд та үс унах асуудалтай тулгарна. В12 амин дэм нь үс ургалтын хамгийн чухал амин дэм бөгөөд энэ нь сүү болон өндгөнд агуулагддаг. Мөн маханд агуулагдах төмөр нь үсний эрүүл байдалд хамгийн чухал үүрэг гүйцэтгэдэг. 

6 Хөмсөг зулгаах

Өтгөн хөмсөг трэнд болох үед бүсгүйчүүд хөмсөг ургуулах асуудалтай тулгарсан. Харамсалтай нь, тогтмол хөмсөг зулгаах нь хөмсөгний ургалтын уутанцарыг гэмтээдэг учир энэ үеэс эхлэн үсний ургалт зогсдог байна.

7 Нэг төрлийн шампунь хэрэглэх

Нэг төрлийн шампунийг тогтмол хэрэглэх хэрэггүй. Таны үсний байдал болон шаардлага нь үргэлж өөрчлөгдөж байдаг. Жишээлбэл: Та үсээ тайрсан, будсан, эсвэл үс залгасан байж болох юм. Үүнээс гадна улирал солигдож, таны эрүүл мэнд, даавар хүртэл өөрчлөгддөг.

8 Үс залгах

Сүүлийн үед охид бүсгүйчүүд урт, өтгөн үстэй болохын тулд үс залгуулдаг болсон. Гэвч энэ нь үсний угт сөргөөр нөлөөлж, үс унах нөхцөл бүрдүүлдэг. Хэрвээ та үсээ урт болгохыг хүсэж байвал үс залгуулж болох ч энэ нь урт хугацааны туршид байх ёсгүй гэдгийг санаарай.

9 Угаах бүрд үс унах

Хүн өдөрт 100 ширхэг үс унах нь энгийн үзэгдэл юм. Үс угаах, самнах үедээ бид тогтмол үс уналтад бэлдэж өгдөг. Энэ нь таны үсээ угаах давтамжтай огт холбоогүй. Үүнээс гадна, 5см үс тутамд 15 шинэ үс ургасан байх хэрэгтэй юм. Энэ тохиолдолд өдөрт 100 ширхэг үс унах нь хэвийн үзэгдэл билээ. 

10 Хэт чанга боох

Хэт чанга боож, сүлжих нь үс унах нэгэн нөхцөл болдог. Энэ үед ихэнхдээ шанаа болон духны ойролцоох үс халцардаг. Тиймээс үс уналтаас сэргийлэхийн тулд үснийхээ засалтыг тогтмол өөрчилж, толгойн массаж хийх хэрэгтэй.