"Мянган мод" цогцолбор нь Шанхай хотын "M50" дүүргийн Сучжоу голын эрэг дээр байрлана. Энэхүү байгууламж нь орчин үеийн, үзэсгэлэнтэй, мөн байгальд орчинд ээлтэй цогцолбор болохоос гадна хот даяарх бусад бетонон барилгаас эрс ялгаатай. Түүний энэхүү төслийн экологийн ач холбогдлыг олон улсын архитекторууд өндөрөөр үнэлсэн бөгөөд Хятадын засгийн газраас эл санааг ихэд дэмжиж байгаа аж. 

Зохион бүтээгчид моддыг 800 метр тутамд тусдаа бетонон хавтан дээр байруулахаар төлөвлөжээ. Үүнийг барилгын онцлог шинж гэж үзээд моднуудаа нүдэнд ил харагдахуйц байруулах юм байна. Барилгын дээврийн бүтэц нь шаталсан загвартай байх ба тэдгээрийн дээд талыг гидропоник системээр тоноглож өгснөөр тохируулсан хугацаанд моддыг автоматаар услах боломжтой гэнэ. 

Ногоон байгууламж уг цогцолборын хэдэн хувийг эзлэх нь одоогоор тодорхойгүй байгаа ч тэд тусгайлан сонгосон 25 мянган модыг барилгад суурилуулахаар төлөвлөөд байна. Барилга нь 2 том толгод хэлбэрээр баригдах ба 300 мянган метр квадрат талбайг эзэлнэ. Уг цогцолбор нь орон сууц, худалдааны төв, оффис, сургууль гэх мэт олон талын зориулалтаар ашиглагдах бөгөөд "Мянган мод" төслийн нээлтийг 2020 оны сүүлээр хийхээр төлөвлөж байна.