Хөөрхий Алба охин Италийн Гэгээн Мариагийн эмнэлэгт төрсөн боловч дауны синдромтой гэдгийг эх нь мэдмэгцээ эмнэлэгт хаяад явжээ. Хэдийгээр хаягдсан хүүхдүүдийг үрчилж авдаг гэр бүлүүд олон байдаг ч төрөлхийн согогтой охиныг үрчилж авах гэр бүл олдоогүй байна.

Төрөөд 13 хонож байсан Албаг үрчилж авахаас 20 гэр бүл татгалзаад байсан ч азаар нэгэн эр түүнийг өргөж авахыг санал болгожээ.

40 настай Лука Трапанис ижил хүйстэн бөгөөд эртнээс хүүхэдтэй болохыг хүсдэг байжээ. Гэхдээ Итали улсад 2017 он хүртэл ганц бие хүнд хүүхэд үрчлүүлэх талаар хуулийн тогтоол байгаагүй аж. Гэхдээ тус хууль батлагдсан ч түүнд тийм ч амархан аав болох боломж олдоогүй байна.

Лукаг хүүхэд байхад нь сайн найз нь хорт хавдрын улмаас нас барсан юм. Тэрбээр найзыгаа эцсийн амьсгалаа хураах хүртэл дэргэд нь байсан учраас хүнд өвчтэй хүн ямар байдгийг сайн мэддэг байжээ. Тиймээс Лука төрөлхийн дауны синдромтой бяцхан охиныг өргөж авах шийдвэрийг ямар ч эргэлзээгүй гаргажээ. 

Тэрбээр Гэгээн Мариагийн эмнэлэгт сайн дурын ажил хийж байсан бөгөөд Албагийн талаар мэдмэгцээ өргөж авах хүсэлт гаргасан аж. Түүний хүсэлтийг ч тус эмнэлэг дуртайяа хүлээж авсан байна.

Өдгөө Алба охин 18 сартай аз жаргалтай амьдарч байна.