15
2-р Базил (976-1025)
Төр барьсан хугацаа: 49 жил
Византын эзэн хаан 2-р Базил дүү 8-р Константинтайгаа хамтран Балканы хойгийн улс орнууд, Месопотами (өнөөгийн Ирак), Гүрж, Арменыг захирч байжээ. Тэрбээр Сицилийг эзэлж, Византийн нутаг дэвсгэрийг Итали руу тэлэх оролдлого хийж байсан ч 1025 онд ѳвчний улмаас ѳѳд болсон байна.
14
6-р Жеймс (1567 — 1625)
Төр барьсан хугацаа: 57 жил
Шотландын 6-р Жеймс хаан бол Хатан хаан Мэригийн ганц хүү бөгөөд хааны гэр бүлийн хэмжээлшгүй эрх мэдлийг дэмждэг нэгэн байв. Мөн тэрээр өөрийн өрсөлдөгч болох 1-р Чарьлзийн эсрэг үймээн өдөөж байжээ.
13
Фредрик Гюнтер (1807 — 1867)
Төр барьсан хугацаа: 60 жил
Шварцбургын ханхүү Фредрик Гюнтер нь Шварцбургын төрийн сүүлчийн ханхүү юм.
12
Тэнгэр тэтгэгч хаан (1735 — 1796)
Төр барьсан хугацаа: 61 жил
Тэнгэр тэтгэгч буюу Цянлонг бол Чин гүрний 4 дэх хаан бөгөөд Хятадад аюул учруулж байсан Монгол, Ойрадын хүчийг дарж, өнөөгийн Шинжан Уйгурын өөртөө засах улсын нутгийг шинэ хязгаар болгож байжээ.
11
Энх Амгалан хаан (1661–1722)
Төр барьсан хугацаа: 61 жил
Чин гүрний 2 дахь их хаан Энх Амгалан (Каньши) 7 настайдаа хаан ширээнд сууж байжээ. Тэрбээр хаан ширээнд сууж байх үедээ Монгол, Төвд зэрэг улс руу довтлон газар нутгаа тэлэх бодлого баримталж байжээ.
10
Хирохито (1926 — 1989)
Төр барьсан хугацаа: 63 жил
Хирохито нь Японы түүхэн дэх хамгийн удаан хаан ширээнд суусан нэгэн. Түүнийг “энх тайвныг дэлгэрүүлэгч” хэмээн нэрлэдэг бөгөөд Дэлхийн 2-р дайны үед Германтай холбоотон болох шийдвэр гаргаж байсан.
9
1-р Жеймс (1213 — 1276)
Төр барьсан хугацаа: 63 жил
Арагоны 1-р Жеймс хаан Иберийн хойгт хамгийн олон жил хаан ширээнд суусан хаан бөгөөд Балеарын арал, Валенсиаг өөрийн улсдаа нэгтгэж байв.
8
Хатан хаан Викториа (1837 — 1901)
Төр барьсан хугацаа: 64 жил
Их Британийн хатан хаан Викториагийн тѳр барьж байх үе бол шинжлэх ухаан, технологийн салбарт ихээхэн дэвшил гарсан үе бөгөөл "хатан хаан Викториагийн эрин" гэж өдгөө тусгайлан нэрлэдэг, болжээ. Түүний нѳхѳр ханхүү Алберт байсан ба тэд 9 хүүхэд тѳрүүлж ѳсгѳн, хүүхдүүд нь одоог хүртэл хаан ширээг нь залгамжилсаар байна.
7
8-р Константин (1962 — 1028)
Төр барьсан хугацаа: 66 жил
Византийн эзэн хаан 8-р Константин ах 2-р Базилтайгаа хамтарч байгаад ахыгаа нас барсны дараагаар ганцаараа төрийн эрхийг барьж байжээ. Тэрээр угсаа залгамжлах хүүгүй байсан тул охин Зоэ-доо хаан ширээгээ үлдээжээ.
6
Пхумипон Адульядет (1950 — 2016)
Төр барьсан хугацаа: 66 жил
Тайландын төрийг хамгийн олон жил барьсан Пхумипон Адульядет гэх эрхэм 2016 онд таалал төгссөн бөгөөд улсынхаа хамгийн их үймээн самуунтай жилүүдэд улс орноо зөв удирдан чиглүүлж байжээ.
5
1-р Франц Иосеф (1848 — 1916)
Төр барьсан хугацаа: 67 жил
1-р Франц Иосеф төр барьж байх хугацаандаа Австрийн эзэн хаан, Унгарын хаан, Холбооны Германы ерөнхийлөгчийн албыг зэрэг хашдаг байв. Мөн Австри-Унгарын эзэнт гүрнийг байгуулахад чухал үүрэг гүйцэтгэжээ.
4
Хатан хаан 2-р Элизабет (1952 — Өнөөг хүртэл)
Төр барьсан хугацаа: 67 жил
2-р Элизабет 1952 онд Их Британи, Умард Ирландын Нэгдсэн вант улсын хатан хаан болж байжээ. Тэрээр нийт 67 жилийн хугацаанд төр барьж байгаа бөгөөд Их Британийн түүхэн дэх хамгийн удаан төрийн эрх барьж байгаа нэгэн. Элизабет хатан хаан 93 настай хэдий ч төрийн хэргээ удирдан явуулсан хэвээр байгаа гэнэ.
3
Кинич Жанааб Пакал (615- 683)
Төр барьсан хугацаа: 68 жил
Эртний Майачуудын хаан тэрбээр (өнөөгийн Мексикийн Чипас муж) 12 настайдаа хаан ширээнд сууж, 68 жил төр барьжээ. Тэрээр Бичээст сүмийг /Temple of the Inscriptions/ анхлан байгуулж байжээ.
2
2-р Иоханн (1858 — 1929)
Төр барьсан хугацаа: 70 жил
2-р Иоханн нь Лихтенштейн улсын үндсэн хуулийг батлахад, урлаг соёлыг хөгжүүлэхэд нэлээд хувь нэмэр оруулсан нэгэн.
1
14-р Луи (1638 — 118)
Төр барьсан хугацаа: 72 жил
Францын Их хаан, Наран хаан гэгдэх 14-р Луи хаан 4 насандаа хаан ширээнд суужээ. Европын холбооны түүхэн дэх хамгийн олон жил буюу 72 жилийн турш хаан ширээнд суусан тэрээр алдарт Версалын ордонг барьснаас гадна урлаг, уран зохиолд ихээхэн хувь нэмэр оруулсан юм.
