Буддын шашинд тамын ертөнцийн талаар: "Шатааж эсвэл хөлдөөж тарчлаадаг 16 төрлийн там байдаг бөгөөд манай ертөнцтэй зэрэгцэн оршдог гэжээ " гэсэн тайлбар байдаг. 

Хэрвээ та Шри-Ланкад очвол энэ газрыг сонирхож үзээрэй. 

Аварга Буддагийн хөшөөний хажуу дах нэгэн жижиг байранд тамын ертөнцийн хувилбарыг бүтээжээ. Үүнийг хийсэн архитекторуудад мэдээж таатай байгаагүй байх. 

Энэ аймшигт газар руу  орохын тулд 100-аад рупи буюу ердөө 1 доллар л төлнө. 

Там руу орохын тулд эхлээд урт хонгилоор явах бөгөөд ханан дээгүүр нь нүгэлтнүүдийн хойд насны амьдралыг зургаар дүрсэлсэн байдаг. Харин өнгө өнгийн гипсэн барималууд нь үнэхээр сүрдмээр шүү. 

Энэхүү газар буддын шашинд тамыг илэрхийлдэг бүх л зүйлсийг дүрслэн харуулсан байдаг. Ялангуяа эцсийн шүүлт явуулах мөч нь аймшигтай ч, тэнд байх эрлэгийн элч болон чөтгөрүүдийг нэлээд хошин байдлаар дүрсэлжээ. 

Энэ шийтгэл яг л бодит мэт харагдаж байгаа биз. 

Урт хонгилын ханан дээрх өнгөт зургууд тамын ертөнцийг илэрхийлэх гол бүтээлүүд юм. Түүгээр явж байх үед үхэл амьдрал, буян нүгэлийн талаар өөрийн эрхгүй бодогдохоор. 

Зарим зургууд нь комиктой адил санагдаж болох юм. Гэхдээ энэ бол тэр үеийн хүмүүсийн төсөөлөл, уран сэтгэмж билээ. Тэдний зарим дүрслэлийг жишээ болгон үзүүлбэл: 

Гэм хийсэн ламыг ч өршөөдөггүй бололтой. Хутга барьсан, сахалтай тарган эр аль хэдийн түүнийг чирээд явчихлаа. 

Хэрвээ та найзыгаа унтаж байхад нь хороохоор шийдсэн бол үхсэнийхээ дараа яг л адилхан шийтгэл хүртэнэ. Таныг 2 нохой иднэ. 

Найз охин чинь өөр хүнтэй болсон уу? Тэд хоёулаа тамын галд шатах болно. 

Эхнэрээ худалдсан шуналтай эрийн хоолойд төмөр жад зоон тарчлааж байгааг харуулжээ. 

Жижиг амьтдад хэзээ ч бүү хор хүргэ. Тамд очоод хэдэн хэсэг хэрчүүлэх болно. 

Хамгийн сонирхолтой нь төгсгөл хэсэг. Энэ бүх шийтгэл, тарчлалын дараа там дахь амьдрал төгсгөл болно.  Буддын шашинд өгүүлдгээр там нь мөнхийн бус, тодорхой хугацааны дараа /хэдэн мянган жил/ энэ бүхэн дуусгавар болно.

Та хүртэх ёстойгоо хүртээд энэ газраас ангижрна гэсэн санааг тамын өргөөний төгсгөлд ариун сүмрүү явах замруу гүйж буй бяцхан охины зургаар дүрсэлсэн байна. 

Шри Ланкачуудын тамын талаарх дүрслэл иймэрхүү байдаг аж.