Одоогоор бүтээгдсэн хамгийн хурдан энэхүү тийрэлтэт хөдөлгүүр нь 80 км/цагийн хурдтайгаас гадна 3000 метрийн өндөрт хөөрч чаддаг аж. 340$-ийн үнэтэй уг тийрэлтэт хөдөлгүүрийг 3D принтер ашиглан зохион бүтээсэн 23 настай Сам Рожерс нь Лафборогийн Загварын Их Сургуулийн оюутан юм.

Нийт 5 тийрэлтэт хөдөлгүүр, 2 керосин хөдөлгүүр болон тусгай өмсгөлөөс бүрдсэн энэхүү төхөөрөмж нь 22 кг-ын жинтэй ба 1000 морины хүчин чадалтай билээ.

Зохион бүтээгч Сам Рожерс "Хөнгөн жинтэй хэрнээ нисэхэд хангалттай хүчин чадал гаргах боломжтой хувцас бүтээхийн тулд олон төрлийн загварыг туршиж үзсэн" гэж хэлсэн бөгөөд тэрбээр төхөөрөмжөө илүү хөнгөн, хүчирхэг болгох тал дээр анхаарч ажиллаж байгаа гэнэ.

Мөн тэрбээр "Нисэх үед үнэхээр эрх чөлөөтэй мэдрэмж төрдөг хэдий ч тийрэлтэт хөдөлгүүрийг удирдах хүчийг тааруулах маш хэцүү байдаг учир олон удаагийн оролдлого, туршилт хийх шаардлагатай байна" хэмээн нэмж ярилцлагадаа нэмж дурдсан юм.