Татварын ерөнхий газраас татварын албаны үйл ажиллагааны ил тод, нээлттэй байдлыг хангах, төрөөс үзүүлж байгаа үйлчилгээг хүртээмжтэй, чирэгдэлгүй, хурдан шуурхай, хялбар болгож, цахим засгийн үйлчилгээг хөгжүүлэх зорилгоор Татварын удирдлагын нэгдсэн системийг 2019 оноос эхлэн нэвтрүүлсэн. Уг системийг одоогийн байдлаар арилжааны зургаан банк нэвтрүүлсний нэг нь Төрийн банк юм.

Төрийн банк нь цахим засаглал, цаасгүй технологийг дэмжих бодлогын хүрээнд нийт харилцагч нартаа Татвар хураамжаа банкны салбар нэгж дээр болон Гялсбанк үйлчилгээ /вэб сайт, гар утасны аппликейшн/-ээр дамжуулан илүү хялбараар төлөх боломжийг бүрдүүлсэн. Хэрэв та дэлгэрэнгүй мэдээлэл авахыг хүсвэл www.statebank.mn/w/mn/c1526 линкээр орж авна уу.

Мөн Гялсбанк үйлчилгээг ашигласнаар бүх төрлийн төлбөр тооцоогоо гүйцэтгэхээс гадна сар бүрийн хэрэглээний төлбөрөө төлөх, хадгаламж барьцаалсан онлайн зээл авах, QR кодоор төлбөр төлөх, шилжүүлэг хийх, Гааль, нийгмийн даатгалын төлбөр, тээврийн хэрэгслийнхээ торгууль төлөх зэрэг банканд очилгүйгээр бүх төрлийн үйлчилгээг авах бүрэн боломжтой юм.