1
Сунгалтын дасгал
Хана руу харж зогсоод арагшаа нэг алхаад 2 гараа мөрний төвшинд өргөөд хана руу тулна. Хөндүүр байгаа хөлийг хойш сунгаад нөгөө хөлөө өвдгөөр нь нугалж аль болох дээш өргөнө. Ийм байдалтай 3 секунд орчим бариад хөлөө сольж 3-4 удаа давтаж хийнэ. Нуруу, гар болон мөр чинь тэгш байх ёстойг анхаараарай.
2
Борвины шөрмөсний (ахиллес) сунгалтын дасгал
Хананаас 1 алхмын зайтай зогсоод гараа мөрний төвшинд өргөөд тулна. Өвчтэй хөлөө хана руу тулгана. Өсгий заавал газар дээр байх ёстойг анхаараарай. Ингэснээр борвины шөрмөс татагдах мэдрэмж төрөх бөгөөд 5 удаа гүн амьсгаа авсны дараа хөлөө сольж дасгалаа давтан хийнэ.
3
Холбогч эдийн сунгалтын дасгал
Шат эсвэл сандал дээр гарч зогсоод зурган дээр харуулсны дагуу нэг хөлөө сул тавина. Ийм байдалтай 20-30 секунд барьсны дараа хөлөө солино.
4
Алчуур ашиглаж хийх сунгалтын дасгал
Сандал дээр суугаад нэг хөлөө дээш өргөөд алчуурнын тусламжтайгаар зурагт үзүүлсэн шиг өөр лүүгээ татна. 10-30 секунд болсны дараа хөлөө сольж 3 удаа давтан хийнэ.
5
Хөлийн хурууны сунгалтын дасгал
Газарт дөрвөн хөллөөд зурагт үзүүлсэн шиг хөлийн хуруун дээрээ тогтоно. Тулсан гараа өвдөгнийхөө харалдаа авчраад өсгийн дээрээ сууна. 10-15 секунд болсны дараа дахин эхний байрлалд орж 2-3 удаа давтаж хийнэ.
6
Теннисний бөмбөг ашиглах дасгал
Сандал эсвэл орон дээр суугаад өвдөж буй хөлөөрөө теннисний бөмбөг дээр зөөлөн гишгэж хөлийн уландаа массаж хийнэ. Теннисний бөмбөгнөөс гадна жижиг савтай ус ч ашиглаж болно. Дасгалыг босож зогсоход хөлийн уланд өвдөлт мэдрэгдэхгүй болтлоо хийнэ.
7
Жижиг чулуу ашиглах
Тухтай сандал эсвэл орон дээрээ суугаад шалан дээр 10-10 ширхэг чулуу эсвэл шилэн бөмбөлөг тавьж, дээр нь зөөлөн гишгэж хөлийн уландаа массаж хийнэ. Дасгалыг босож зогсоход хөлийн уланд өвдөлт мэдрэгдэхгүй болтол хийнэ.
8
Хөлийн массаж
Эрхий хуруугаараа хөлийн улаа зөөлөн дарж массаж хийнэ. 5-7 минут улны гол хэсэг болон өсгийн дээрээ даралт чанга дараарай.
