1 Жижиг зочны өрөөнд

Талбай багатай зочны өрөөнд хана дагуу тавих зориулалттай буйдан илүү тохирно. Ийм төрлийн буйданг өрөөний хамгийн урт ханандаа байрлуулах хэрэгтэй. Харин таны гэрт зочид их ирдэг бол булангийн буйдан тохиромжтой.

Та буйдан сонгохдоо овор ихтэй, хурц ирмэгтэй загвараас татгалзахыг хичээгээрэй. Мөн өрөөнийхөө бусад хэсэгтээ зохицуулж хэмжээг нь тааруулах хэрэгтэй шүү.

2 Стандарт бус зохион байгуулалттай өрөөнд

Ийм төрлийн өрөөнд буйданг байрлуулах хэд хэдэн хувилбар байдаг. Хэрэв хүсвэл буйдангаа салгаж зарим хэсгийг нь өөр өрөөнд тавих боломжтой. Мөн та өрөөнийхөө өвөрмөц зохион байгуулалтыг харгалзан үзэж аль болох цомхон загварын буйдан сонгох хэрэгтэй шүү. Ингэснээр тухайн орчин илүү цэгцтэй болохын зэрэгцээ гэрийн тань илүү булан тохойг далдлах болно. Түүнчлэн буйданг хаалганы эсрэг талд байрлуулах нь тохиромжтой харагддаггүй. Учир нь буйдан дээр сууж байгаа хүнд үүднээс хэн ирж байгааг харах тийм ч таатай санагддаггүй ажээ.

3 Нэг өрөө байранд

Нэг өрөө байр болон талбай томтой өрөөнд буйданг салгаж байрлуулах нь зөв. Ийм аргаар гэрийнхээ нэг хэсэгт тусдаа зочны өрөөг ч бий болгох боломжтой шүү.

Мөн зай талбай хангалттай байвал буйдангаа өрөөний гол хэсэгт арал маягтайгаар байрлуулаарай. Ингэснээр  та гэртээ илүү тухтай орчинг бүрдүүлж чадна.

4 Хүүхдийн өрөөнд

Эцэг, эхчүүд хүүхдийн өрөөнд буйдан сонгохдоо хүүхэд тоглох болон сууж хичээлээ хийх зай талбайг бодолцох хэрэгтэй. Мөн буйдан бол ор биш гэдгийг санаарай. Тиймээс та шүүгээтэй, дэлгэгдэж, эвхэгддэг буйданг сонгох  хэрэгтэй юм.