1 Шарах шүүгээгээ цэвэрлэх

Мөн л хүнсний сода, багахан ургамлын тос байхад таны шарах шүүгээ шинэ мэт гялалзах болно. 1 цайны халбага ургамлын тос, 2 цайны халбага хүнсний содыг хольж, үүгээрээ шарах шүүгээний хаалгыг үрж, цэвэрлэнэ.

2 Богино долгионы зуухаа цэвэрлэх

Богино долгионы зуухныхаа дотор талыг гялалзтал өнгө оруулъя гэвэл 400 мл усанд, 3 цайны халбага нимбэгний шүүс хийж, үүнийгээ богино долгионы зуухан дотроо хийж, 10 минут эргүүлээрэй. Ингээд гаргасныхаа дараа цэвэр алчуураар арчихад хангалттай.

3 Түлэгдсэн плиткаг шинэ мэт болгох

1/4 аяга ус төрөгчийн хэт исэл, 1 цайны халбага аяга таваг угаагч, 1/2 аяга хүнсний содыг хольж, бэлтгэнэ. Үүнийгээ пролонд түрхэж, түлэгдсэн плиткаа сайтар үрж, арчаарай. Хэрэв толбо арилахгүй бол, пролоноор сайтар үрэн, 10 минут байлгаад, ахин арчих хэрэгтэй. 

4 Угаалтуур өнгөлөх

Гал тогооны угаалтуур нь амархан бохирдож, эвгүй үнэр гарч эхэлдэг. Харин үүнийг та хүнсний сода, нимбэг зэргийг ашиглан цэвэрлэх боломжтой юм. Эхлээд хүнсний содоор үрж, угаах бөгөөд эцэст нь нимбэгээр үрээрэй. Ингэснээр угаалтуур шинэ мэт гялалзахаас гадна сайхан үнэртэй болох байна. 

5 Төмөр савыг цэвэрлэх

Түлэгдсэн төмөр савыг цэвэрлэхдээ давсыг ашиглаарай. Савандаа давс хийж тараан, 15 минут байлгах хэрэгтэй. Дараа нь саваа угаахад бүх толбо нь арилж, шинэ мэт гялалзах болно. 

6 Усны толбыг арилгах

Угаалгын өрөөнд байрлах төмөр эдлэлүүд бүгд л усны толботой болсон байдаг. Иймд та үүнийг нимбэгээр арчиж, хормын төдийд арилгах боломжтой.

7 Шүршүүрийн толгойг цэвэрлэх

Шүршүүрийн толгойг цэвэрлэхийн тулд цагаан цуутай гялгар уутаар боогоорой. 20 минут байлгаад, уутаа авах үед танай шүршүүрийн толгой бүрэн цэвэрлэгдэж, бүх бохирдол, бактер нь арилах аж.

8 Шарласан ванныг угаах

4 цайны халбага хүнсний содыг шарласан хэсэг рүү цацаж, пролоноор сайтар үрээрэй. Дараа нь 50 гр цагаан цуу болон 50 гр цайруулагчийг хольж, ваннаа арчиж, 30 минут орхих бөгөөд эцэст нь усаар зайлж цэвэрлэх хэрэгтэй. 

9 Хивсэнд наалдсан бохийг салгах

Хивсэнд наалдсан бохийг салгахдаа ууттай мөсийг ашиглаарай. Мөсийг бохин дээр байрлуулж, хэсэг хугацаанд байлгасны дараа, бохио салгаж авна. 

10 Бохирдсон аягыг цэвэрлэх

Та өнгөр тогтож, бохирдсон аягыг нимбэгний хүчлийн тусламжтайгаар цэвэрлэж болно. Аягандаа хүчлээс хийж, сайтар үрж угаах бөгөөд эцэст нь усаар зайлахад, аяга тань шинэ мэт гялалзах аж.  

Та эдгээр аргыг хэрэглэж үзээд, үр дүнгээсээ бидэнтэй хуваалцаарай!