Чанартай бэлгэвч төрөл бүрийн бэлгийн замын өвчин, мөн хүсээгүй жирэмслэлтээс хамгаалж чаддаг. Бүх талаас нь бодож үзвэл бэлгэвч нь маш чухал зүйл юм. Гагцхүү эрэгтэй хүний таашаал авах мэдрэмжийг бууруулах талтай байдаг гэнэ. Гэхдээ үүнийг өөрчлөх үр дүнтэй аргууд бий шүү.
1
Бэлэг эрхтнийхээ хэмжээнд зөв тааруулах
Мэдээж XXL хэмжээтэй бэлгэвч авах нь танд тааламжтай санагдаж магадгүй. Гэхдээ өөртөө таарсан бэлгэвч хэрэглэхгүй л бол хэзээ ч таашаал мэдэрч чадахгүй гэдгийг санаарай. Орчин үед ихэнх бэлгэвч дунд зэргийн хэмжээтэй бэлэг эрхтэнд зориулж хийгдэх болсон. Хэрвээ таны эрхтэн дунджаас том бол XXL юм уу, түүнээс том бэлгэвч хэрэглэх нь зүйтэй. Харин таны эрхтэн дундаж хэмжээтэй бол Японд үйлдвэрлэсэн бэлгэвч илүү тохирно.
2
Хямд бэлгэвч бүү хэрэглэ
Хямд болон үнэтэй бэлгэвч хоёрын ялгаа зөвхөн зарагдаж буй үнэдээ байдаг юм биш. Хямд бэлгэвчинд чанаргүй латекс ашигласан байх магадлалтай байдаг бөгөөд ийм бэлгэвчний чанарыг зориулалтын төхөөрөмжөөр шалгадаг. Харин үнэтэй бэлгэвчийг чанартай латексаар хийдэг учраас хүнд ямар нэгэн харшил өгдөггүй.
Дундаж үнэтэй бэлгэвч тос болон үрэгдэх байдлаараа бусдаас ялгаатай байдаг. Хямд бэлгэвчний хувьд тослог нь бага, жигд тараагдаагүй байдаг учир харшил өгч болзошгүй юм. Чанаргүй латексаар хийгдээд зогсохгүй тослогийн асуудалтай бэлгэвч хэрэглэвэл та таашаал авахаасаа илүүтэй өвдөлт мэдрэх болно шүү.
3
Нимгэхэн, хэт нимгэн бэлгэвч хэрэглэ
Бэлгэвчний хамгийн гол үүрэг нь бэлгийн замын халдвар болон хүсээгүй жирэмслэлтээс хамгаалах байдаг. Зузаан болон нимгэн бэлгэвчнүүд ялгаагүй л энэ үүргээ гүйцэтгэдэг. Учир нь латекс хэр нимгэн эсвэл зузаан байх нь хамаагүй, үрийн шингэн болон гадны вирусийг гадагш болон дотогш нэвтрүүлдэггүй байна. Хүсээгүй жирэмслэлт нь бэлгэвчний нимгэн зузаанд биш харин урагдал, эвдрэл гэмтэлтэй холбоотой байдаг.
Дашрамд дуулгахад 2013 онд хийгдсэн нэгэн онлайн судалгаагаар ихэнх эрчүүд бэлгэвч зүүсэн үедээ дур тавилтыг хүчтэй мэдэрч чаддаггүй гэсэн бол эмэгтэйчүүд бэлгэвчтэй, бэлгэвчгүйн ялгааг нэг их мэдэрдэггүй гэжээ. Гэхдээ дур тавих нь ондоо зүйл шүү. Тиймээс бэлгийн харьцааны үед сайхан таашаал мэдрэхийн тулд нимгэн бэлгэвч хэрэглэх нь дээр.
Нимгэн бэлгэвчний савлагаан дээр 40 микрон эсвэл түүнээс доош тооны микронтой хэмээх тэмдэглэгээ байвал сайн. Ийм бэлгэвч хэрэглэх үед хамтрагчид хоёулаа бэлгэвчийг мэдэрдэггүй байна.
4
Тос ашиглах
Та интернетээс бэлгэвч хэрэглэхээсээ өмнө эрхтэн дээрээ тос түрхээд бэлгийн харьцаанд орж байхыг зөвлөсөн зөвлөгөөг уншиж байсан уу. Хэзээ ч битгий ийм үйлдэл хийгээрэй. Учир нь бэлгэвч арьсанд наалдахаа больж, гэнэт сугарах эрсдэлтэй юм Зөвхөн бэлгэвч зүүснийхээ дараа л гадуур нь тос түрхэж болно.
Та илүү их таашаал авахын тулд шатаж буй мэдрэмж төрүүлж, цусны эргэлт түргэсгэдэг тос түрхэж болно. Нимгэхэн бэлгэвч хэрэглэх үед энэ мэдрэмжийг шууд авч болно шүү.
Анхааруулга- Латексаар хийгдсэн бэлгэвч дээр усан суурьтай тос түрхэнэ.
5
Өөрт тохирсон байрлалыг сонгох
Бэлгэвчтэй бэлгийн харьцаанд орох үедээ бэлэг эрхтэнд хүчтэй даралт өгч, өөрт тань маш сайхан таашаал мэдрүүлж чаддаг байрлалдаа орохыг зөвлөж байна. Тэдгээр байрлалуудаас хамгийн таатай нь “миссионер”, “хавч”, суугаа байрлалууд юм. Хэрвээ бүсгүйн хөл эрэгтэйн мөр дээр байх юм бол үр дүн илүү сайтай байна. Мэдээж олон янзын байрлал байдаг учраас туршилт хийхээс эмээх хэрэггүй.
