Дугуйны эдэлгээг уртасгах аргууд

Автомашин үүсч бий болсон цагаас дугуй түүний аюулгүй байдлыг хангах чухал хэсэг байсаар ирсэн. Дугуй үйлдвэрлэгчээсээ хамаараад 6-8 жил буюу 70,000-100,000 километр хүртэлх зам туулахаар бүтээгдсэн байдаг. Дугуйг бусад сэлбэгтэй харьцуулахад үнэтэй тул та шинэ авсан дугуйгаа удаан хугацаанд ашиглахын тулд доорх зөвлөгөөг дагаарай.

1. Дугуй солиулсны дараа баланс болон тэнхлэг тохиргоо хийлгэх нь дугуйны хээ аль нэг талаараа түрүүлж элэгдэж муудахаас хамгаална. Мөн рүлийн апарад, явах эд ангид гэмтэл үүсэхээс сэргийлдэг.

2. Дугуй солиулах болгондоо хойд хоёр дугуйгаа урдаа, урд хоёр дугуйгаа хойноо байрын зөрүүлж тавьснаар бүх дугуйнд хээний элэгдэлт жигд явагдана.

3. Дугуйны хийг сард нэг удаа шалгах, хий стандарт бус байх нь дугуйны мөрний хээг жигд бус элэгдүүлдэг.

4. Замын нүх, ховил дайрч, боржуртай хэт ойр явахгүй байх. Хэрэв дугуй хажуу бөөр талдаа гэмтэж, хавагнаж, зүсэгдсэн бол шинээр солихоос өөр аргагүй болдог.

5. Дугуйг зориулалтын өнгөлөгчөөр өнгөлж цэвэрлэх нь дугуйны чийгшлийг хадгалж язралтаас хамгаална.

6. Дугуйг тогтмол эргүүлж тойрч хадаас орсон, хавагнасан, зүсэгдсэн зэргийг шалгах нь гэнэтийн гэмтэл гарахаас сэргийлнэ

7. Дугуйнд заасан даацын хэмжээнээс хэтрүүлж ачаа ачихгүй байх. Даацын хэмжээг хэтрүүлж явах нь дугуй хагарах, хавагнах эрсдэлийг нэмэгдүүлдэг.

Танд чанартай дугуй, найдвартай засвар үйлчилгээ хэрэгтэй бол дугуйны төрөлжсөн төв Стандарт Тайр-ыг зориорой. Дугуйтай холбоотой бүх засвар үйлчилгээ, баланс, тэнхлэг тохиргоо, мэдрэгчтэй хошуу тэнд бий.