Орц
- Тахианы цээж мах 4 ш
- 24ш нимгэн жигнэмэг
- 4-5 зүсэм талх
- 5 хоолны халбага цөцгийн тос
- 8 зүсэм гахайн давсалсан мах (ham)
- 8 зүсэм сыр
- 3 хоолны халбага гич
- 1 аяга гурил
- 2 өндөг
- Давс
- Перец
1
Эхлээд цөцгийн тосоо хайлуулна.
2
Дараа нь талх болон жигэмнэгээ үртэс болгон нунтаглаад дээр нь цөцгийн тосоо хийж сайтар хутгана.
3
Бэлэн болсон зуурмагаа шарах шүүгээнд хийж 3-5 минутын турш шаргал өнгөтэй болтол нь халаана. Халаасан зуурмагаа гаргаж ирээд сайтар хөргөөрэй
4
Бяслагаа гахайн маханд нэг нэгээр ороож бэлтгэнэ. Ингэхдээ бяслагаа нарийн болгож хэрчээд нэг зүсэм гахайн маханд нэг зүсэм бяслаг хийж орооно.
5
Цээж махаа зүсэж амсар гаргаад гахайн маханд ороосон бяслагаа хийнэ.
6
Дараа нь давс болон перецээр тахианы цээж махаа амтлаад дээгүүр нь гичээ түрхэнэ.
7
Өндөгөө хагалаад тавганд хийж сайтар хутгаарай. Тэгээд талх, жигнэмэгийн зуурмагаа нэг аяганд, гурилаа бас нэг аяганд хийнэ. Гурил болон өндөгөө давслахаа мартуузай.
8
Тахианы цээж махаа эхлээд гурилд хийгээд дараа нь өндөгөнд эцэст нь талх, жигнэмэгийн зуурмагтаа хийнэ.
Тахианы махаа болгохдоо эхлээд шарах шүүгээний хамгийн доод талын тавиур дээр 230 хэмд 8-10 минут байлгаж алтан шаргал өнгөтэй болгоод дараа нь дунд хэсэг рүү шилжүүлж галаа багасган 200 хэмд 25-30 минут байлгаарай.
Бэлэн болсон тахиан махан "Cordon Bleu"-г юугаар ч хачирлаж идэж болно.
Сайхан хооллоорой.
