1
Их хэмжээний ус уух
Хятад эмэгтэйчүүд өдрийн туршид их хэмжээний ус уудаг бөгөөд хүүхэд байхаасаа эхлэн л хаа сайгүй савтай ус авч явах зуршилд суралцдаг гэнэ. Амьдрахад зайлшгүй шаардлагатай зүйл гэвэл Хятад эмэгтэйчүүд хамгийн түрүүнд нэгэн хоолойгоор "ус" гэж хэлнэ. Тиймээс ч Хятадын олон нийтийн бүх газар ундны усны төхөөрөмж байдаг аж.
2
Нарнаас арьсаа хамгаалах
Дээр үед цагаан арьстай байх нь тухайн бүсгүй язгууртан, нийгмийн дээд давхаргын эмэгтэй гэдгийг илэрхийлдэг байсан бол орчин үед арьсаа нарнаас хамгаалах нь эрт хөгшрөлтөөс сэргийлэх хамгийн шилдэг арга гэж Хятад бүсгүйчүүд үздэг байна. Нарны хамгаалалттай тос түрхэх нь нарны хэт ягаан туяанаас арьсаа хамгаалах хамгийн энгийн аргуудын нэг юм.
3
Бүх төрлийн цай уух
Хятад эмэгтэйчүүд шингэн зүйл маш ихээр уудаг бөгөөд тэр дундаа цай уух их дуртай. Тэд эрүүл мэнд болон гоо сайханд сайнаар нөлөөлөх ургамлын гаралтай цай уудаг. Хамгийн гол нь цайндаа сүү болон элсэн чихэр нэмж болохгүй юм.
4
Тухайн өдрийнхөө ажлыг төлөвлөх
Өдрийнхөө ажлыг төлөвлөж, төлөвлөгөөний дагуу ажиллах нь хятадуудын хувьд хамгийн чухал зүйлсийн нэг юм. Хятад эмэгтэйчүүд хоол хүнс болон нойрондоо их цаг завыг зарцуулдаг. Үдийн хоолны дараа тэд унтах цаг гаргахыг хичээдэг бөгөөд зарим тохиолдолд ажлынхаа ширээний ард унтах нь ч бий. Харин оюутнууд номын сандаа орж унтдаг байна.
5
Илчлэг ихтэй амттан идэхгүй байх
Хятад хоол бидний заншсан мэддэг хоол унднаас тэс өөр гэдгийг хүн бүр мэднэ. Тухайлбал, хятадын амттанд төдийлөн элсэн чихэр агуулагдаагүй гэнэ. Европын орнуудад хамгийн сүүлд амттанаа иддэг бол Хятадад энэ нь тэс өөр аж. Жишээлбэл, тэд эмэгтэйчүүд эхлээд үндсэн хоолоо идэж, дараа нь амттанаа идээд, араас нь салат идэх магадлалтай.
6
Далайн замаг идэх
Хятад эмэгтэйчүүд далайн замаг ихээр иддэг бөгөөд энэ нь хоол боловсруулах эрхтний үйл ажиллагааг сайжруулж, бие дахь илүүдэл давсыг өөртөө шингээдэг байна. Үүнээс гадна өлсөх мэдрэмжийг илүү удаан дардаг учир дэглэм барьж буй хүмүүст нэн тохиромжтой. Далайн замгийн аминдэм болон хлорофилл нь арьсыг залуужуулж, коллагены түвшнийг хэвээр хадгалдаг учир арьсны хөгшрөх явцыг удаашруулдаг байна.
7
Хамгийн гол нь тайван байх хэрэгтэй
Ерөнхийдөө нүүрэн дээрээ сэтгэл хөдлөлөө төдийлөн илэрхийлдэггүй бөгөөд нүүрний булчин хэдий чинээ бага ажиллана төдий чинээ нүүрний үрчлээ бага байх болно гэж тэд үздэг. Тайван, бодлогоширсон байдалтай байх нь ботоксыг ч орлож чадна.
8
Тусгай гоо сайхны бүтээгдэхүүн хэрэглэх
Нүүр болон биеийн арьс арчилгаандаа хятад эмэгтэйчүүд үргэлж байгалийн гаралтай бүтээгдэхүүн ашигладаг байна. Үүнд: далайн замаг, хүн орхоодой, ургамлын гаралтай бүтээгдэхүүн, сувд, байгалийн гаралтай тос зэрэг багтдаг. Байгалийн гаралтай бүтээгдэхүүн арьсыг толигор, зөөлөн хадгалахад тустай. .
9
Хөлийн цэгэн бариа
Биеийнхээ арьс арчилгаанд хятад бүсгүйчүүд маш их анхаарал хандуулдаг бөгөөд цэгэн бариаг үргэлж хийдэг аж. Эмэгтэйчүүдийн гоо сайхны цэг болох "сань-инь-цзяо" дээр өдөрт хэд хэдэн удаа бариа хийх ёстой гэнэ. Энэхүү цэг нь шагайнаас дээш 3 хуруу өндөрт дотор талд байрладаг юм.
Шилбээ хоёр гараараа бариад шаардлагатай цэгүүдэд бариаг хийх хэрэгтэй. Энэ нь хос бариа учир хоёр хөл дээрээ хоёулан дээр нь зэрэг хийнэ.
10
Хаш чулуун өнхрүүшээр өдөр бүр массаж хийх
Хаш чулуун өнхрүүшийг нүүрэндээ хэрэглэх нь цусны эргэлтийг сайжруулж, хорт бодис гадагшлахад тустай. Эрт дээр үед цэгэн бариа хаш чулуун өнхрүүш болон нүүрний ядаргааг тайлах хаш чулуун хавтгайг ашигладаг байсан гэнэ. Орчин үед хаш чулуун өнхрүүшийг онлайнаар болон Хятадаас худалдаж авах боломжтой.
Бонус
1955 онд төрсөн Хятадын алдарт жүжигчин Лю Сяоцин болон инстаграмын од бүсгүй 50 настай Ли Йелин нар.
