Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Дэлхий нийт аль хэдийнээ барууны, тэр дундаа Америк соёлд гүн ууссан гэхэд хилсдэхгүй. Гэсэн ч Америкчуудын хийдэг зарим нэг үйлдлүүд биднийг одоо ч гэсэн гайхшруулсаар байна. Бид тэдгээр үйлдлүүдээс хамгийн этгээдийг нь хүргэхээр бэлтгэлээ.
Хэрвээ та ямар ч өргүй мөн халаасандаа ердөө 25 ам.доллартай бол та АНУ-ын нийт иргэдийн 90 хувиас илүү чинээлэг болсон гэсэн үг. Учир нь ихэнх америкчууд өртэй байдаг юм.
Судалгаагаар 8 Америк хүн тутмын нэг нь "McDonalds"-д ажиллаж үзсэн байдаг аж. Энэ нь нийт 40 сая гаруй хүн гэсэн үг.
Америкийн ихэнх дэлгүүрүүд шошгыг нь аваагүй, ямар нэг байдлаар тус барааг гэмтээгээгүй бол 30-90 хоногийн дотор асуудалгүй буцааж авдаг.
Америкт та 10 центээр цэцгийн баглаа авч болно. Гэхдээ зөвхөн хэн нэгнээс уучлал гуйх гэсэн эсвэл анх удаа болзоонд явж байгаа хүмүүс цэцгийн баглаа авдаг гэнэ.
Хэрвээ та хэн нэг Америк хүнийг гомдоовол тэд шууд л танд гомдсоноо хэлдэг. Хүн гомдоох нь тэдний хувьд хүн алахаас илүү жигшүүртэй зүйл аж.
Америкийн шүүх ямар нэг хэн ч мэдэхгүй хуулийн үндэслэл дээр тулгуурлан шийдвэр гаргах нь элбэг байдаг. Жишээ нь, нэг эмэгтэй муураа шарах шүүгээнд хийж шатаах гэтэл нөгөө нь шарагдаад үхчихжээ. Дараа нь тэр эмэгтэй тус шарах шүүгээг үйлдвэрлэсэн компанийг "Тэжээвэр амьтан хийж болохгүй" гэсэн анхааруулга наагаагүй гэсэн үндэслэлээр шүүхэд өгч тус компаниас 1 сая ам.доллар салгаж чадсан гэдэг.
Америкчууд төрийн далбаагаа хаа сайгүй өлгөх дуртай.
Америкчууд хүйтэнд ч бай халуунд ч бай бүх уух зүйл дээр мөс хийж уудаг.
Америкт гурван хүн тутмын нэг нь хэт таргалалттай байдаг. Энэ үүднээс сүүлийн үед том хэмжээтэй хувцасны брэндүүд ихээхэн ашиг олох болсон гэнэ.
Америк эмийн сангаас та эмээс гадна согтууруулах ундаа, төрөл бүрийн амттан болоод хүүхдийн тоглоомыг ч авч болно.
Хэрвээ та Америкт амьдардаг бол ганцхан "911"-рүү залгаад цагдаа, түргэн, гал команд гээд бүхий л яаралтай тусламжийн үйлчилгээг авч болно.
Америк хүмүүс засгийн газраасаа илүү "Apple"-д итгэдэг.
Америкт дэлхийн хамгийн олон тооны буюу нийт 94 сая үхэр амьдардаг.
Америкчууд өдөрт 400 мянган метрийн урттай тэнцэх хэмжээний их пицца иддэг гэсэн судалгаа гарчээ. Энэ нь манай орны газар нутгийн гуравны нэгтэй тэнцэх хэмжээ юм.
Америкчуудын ихэнх нь ямар нэг зүйл урлах дуртай байдаг.
Америкчууд гудамжинд гарахдаа хүссэнээ өмсдөг. Та бүр том хотын гудамжаар дотуур хувцастайгаа явсан ч таныг шүүмжлэх хүн байхгүй.
Хэдийгээр Америкт бичиг үсэг тайлагдаагүй хүн бараг байдаггүй ч ихэнх иргэд нь үг үсгийн алдаатай бичдэг.
