1 Гадил жимс хоол идэх хүслийг дарж зүрхийг эрүүл болгоно

Гадил жимс нь пектин хэмээх цусан дахь сахарын хэмжээг тогтворжуулдаг бодисыг агуулдаг бөгөөд зүрх судасны өвчин эмгэгээс сэргийлдэг. Кали болон эрдэс бодисоор баялаг учир хүний биеийн хэрэгцээг эрчимтэй нөхөж өгдөг нь жингээ хасах, дасгал сургуулилт хийж буй үед хэрэглэх зохимжтой хүнс болдог

2 Тараг тархийг сэргээнэ

Тараг нь яс, булчин болон тархины хөгжилд нэн чухал кальци,  витамин Д болон уургаар баялаг байдаг. Мөн хорт хавдрын эсийн ургалтын эсрэг үйл ажиллагаатайг тогтоосон байна. 

3 Даршилсан ногоо хоол боловсруулах эрхтэнг цэвэрлэнэ

Даршилсан ногоо нь хоол боловсруулах үйл ажиллагааг дэмжих бактериудаар баялаг байдаг бөгөөд хоол боловсруулах системийг цэвэрлэж өгдөг. Ингэснээр бие дахь серотонин “serotonin” бодисын хэмжээг ихэсгэж өгдөг. 

4 Байцаа хоолны шингэцийг сайжруулна

Байцаа нь ислэгээр баялаг байдаг учир гэдэсний гүрвэлзэх хөдөлгөөнийг сайжруулж, цусан дахь холестрөны  хэмжээг бууруулдаг. Витамин К их хэмжээгээр агуулдаг нь цусыг шингэлж эргэлтийг сайжруулахад нөлөөлдөг.

5 Өндөг нүдийг эрүүл байлгана

Уургын өндөр агууламжтай энэхүү хүнсний бүтээгдэхүүн нь бидний өдөр тутмын хүнсэнд ордог.  Тархины өсөлт хөгжилд сайнаар нөлөөлдөг Холин “Choline” гэх бодис агуулдаг бөгөөд жирэмсний үед хэрэглэхэд нэн тохиромжтой. Мөн өндгөнд байдаг үл исэлдүүлэгч бодисууд болох “Lutein болон Zeaxanthin” нь нүдний цайралт болон булчингийн хөгшрөхөөс сэргийлдэг.

6 Зөгийн бал сэтгэл санааг өөдрөг болгоно

Зөгийн бал нь үл исэлдүүлэгчид болон бактерийн эсрэг үйлчилгээгээрээ алдартай. Биеийн дархлааны системийг дэмжиж өгч элдэв төрлийн вирус бактериас хамгаалдаг. Мөн цусны даралтыг буурулхаас гадна полипенол “polyphenol” гэх байгалийн гаралтай бодис агуулдаг нь мэдрэлийн эсүүдийг сэргээж сэтгэл гутралыг бууруулдаг.

7 Овьёос уургыг нөхнө

Овьёос нь уургын томоохон эс үүсвэр бөгөөд их хэмжээний ислэг болон эрдэс бодис агуулдаг учир биеийг цэвэрлэж холостений хэмжээг тэнцвэржүүлдэг. Цагаан хоолтон бол уургаа нөхөх хамгийн тохиромжтой хүнсний бүтээгдэхүүний нэг юм. 

8 Бууцай булчингийн хөгжилд тусална

Бууцай нь булчингийн өсөлт хөгжил, бодисын солилцоонд шаардлагатай төмөр болон магни-гаар баялаг байдаг. Мөн амино хүчлийн нэг болох “tryptophan” агуулдаг бөгөөд тархийг эрүүл байлгаж сэтгэл санааг өргөх үйлчилгээтэй. 
 

9 Жүрж хөгшрөлтийг удаашруулна

Жүрж нь флавоноид “flavonoids” бодисыг агуулдаг бөгөөд энэ судас нарийсах, жижиг хэмжээний цус харвалтаас сэргийлдэг. Мөн Витамин C болон ислэгээр баялаг байдаг учир арьсны үрчлээс болон хөгшрөлийг удаашруулж хоол боловсруулалтыг дэмжиж өгдөг.

10 Ангаахай шош “Chickpeas” уураг болон ислэгээр хамгийн баялаг

Уургийн өндөр агууламжтай энэхүү шош нь ислэгээр баялаг учир хоолны шингэцийг сайжруулдаг. Жингээ хасах хоолны дэглэм барьж буй үед хэрэглэхэд хамгийн тохиромжтой хүнсний нэг бөгөөд хорд хавдраас сэргийлэх үйлчилгээтэй юм. 

11 Нэрс ой тогтоолтыг сайжруулна

Жүржний нэгэн адил флавоноид “flavonoids” бодисыг агуулдаг бөгөөд энэ судас нарийсах, жижиг хэмжээний цус харвалтаас сэргийлдэг. Мөн витамин C гээр баялаг учир хөгшрөлийг удаашруулж, арьсыг толигор зөөлөн болгодог. Үүнээс гадна ой тогтоолтыг сайжруулдаг.