Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Хүн бүр шинэ жилийг баяр хөөрөөр дүүрэн угтдаг. Хэрвээ та ирэх ондоо амжилт бүтээлээр дүүрэн байхыг хүсэж байвал дараах зөвлөгөө танд туслах болно.
Өөрийн хийж бүтээсэн 20 зүйлээ жагсааж бич. Тэдгээр нь таны шинээр сурсан чадвар, шинээр очсон газар гэх мэт зүйлс байж болно.
20 гэдэг их тоо мэт санагдаж болох ч ямар ч хүн жилийн дотор 20 зүйл хийж амжуулсан байдаг юм.
Жагсаалтаа хийж дуусгасны дараа та өөрөөрөө бахархахын зэрэгцээ хийнэ гэж төлөвлөөд орхисон зүйлсээ санах болно.
Та яг юун дээр төвлөрч ажилласнаа тооцоол. Ингэхдээ "санхүү", "ажил", "эрүүл мэнд" гэх мэт ангиллууд гаргаж тэдгээртээ хэр их анхаарснаа санаарай.
Ингэснээр та амьдралынхаа аль хэсгийг орхигдуулснаа мэдэх болно.
Өмнөх хоёр жагсаалтаа судалж үзээд ирэх оны зориглоо тодорхойлоорой. Ингэхдээ өөрийн гүйцэлдүүлж чадах, хамгийн ойр зүйлсийг сонгох хэрэгтэй. Учир нь оны эхэнд хэтэрхий том зорилго тавьсан хүмүүс хэт ачаалалд ордог юм.
Жишээ нь та турах зорилго тавих бол шууд өдөр бүр дасгал хийнэ гэхийн оронд эрүүл хооллож эхлэх гэх мэт.
Хамгийн чухал нь өнгөрсөн жил төвлөрсөн зүйлсийнхээ жагсаалтыг хараад хамгийн бага төвлөрсөн зүйлээ сонгоорой.
