Орц:
- Гурил - 330 гр
- Сүү - 200 мл (бүлээн)
- Хөөлгөгч - 20 гр
- Элсэн чихэр - 2 ц.х
- Давс - 1/2 ц.х
- Оливийн тос - 2 х.х
- Мөөг - 250 гр
- Тахианы цээж мах - 2 хэсэг (чанасан)
- Улаан лооль - 4-5 ш
- Бяслаг - 200 гр
- Моццарелла бяслаг - 100 гр
- Зөөхий - 100 гр
- Томатны соус - 250 гр
- Чидун жимс - үрийг нь авсан
- Ургамлын тос - 1 х.х
1
Алхам 1
Хөөлгөгч, элсэн чихрээ сүүндээ хийж уусгаад дулаан газар 10 минут байлгана. Гурилаа гүнзгий саванд шигшиж хийгээд дээр нь бэлтгэсэн сүүгээ болон оливийн тосоо хийж зуураад 5 минут нухна.
Зуурсан гурилаа бөөрөнхий хэлбэртэй болгоод саванд нь буцаан хийж хүнсний скочоор амыг нь битүүлээд дулаан газар 30 минут байлгаж хөөлгөнө.
2
Алхам 2
Одоо орцыг нь бэлтгэх цаг боллоо. Улаан лооль болон мөөгийг угаагаад хатаана. Бяслагийг үрүүлээр үрж жижиглэнэ. Моццареллаг жижиг нарийн хэрчмүүд болгон бэлдэнэ. Томатны соус болон зөөхийг хольж хутгана.
3
Алхам 3
Мөөгийг нарийхан хэрчээд халааж бэлтгэсэн тосонд 3-4 минут хуураад давсална.
4
Алхам 4
Хөөсөн гурилаа гаргаж бага зэрэг элдээд хоёр тэнцүү хэсэгт хуваана.
5
Алхам 5
Хэсэг бүрийг дугуй хэлбэртэйгээр нимгэхэн хавтгайлна. Дээр нь бэлдсэн соусыг тарааж түрхэнэ.
6
Алхам 6
Дээр нь мөөгнүүдээ тараан тавьж өгнө.
7
Алхам 7
Дараа нь тэнцүү хэмжээтэй жижиглэж хэрчсэн тахианы махаа тавина. Дээрээс нь моцарелла, хэрчсэн улаан лооль, чидун жимсээ тавьж өгнө.
8
Алхам 8
Эцэст нь жижиглэсэн бяслагаа дээрээс нь цацна. Шарах шүүгээг халааж бэлдээд пиццагаа хийж 250 хэмд 20 минут жигнэнэ.
9
Бэлэн боллоо!
Бага зэрэг хөргөөд модон банзан дээр гаргана. Сайхан хооллоорой!
