1
Шөл
Орос үндэсний хоолонд гол байр эзэлдэг шөлтэй хоол нь нэр төрөл олон, өвөрмөц амт, илчлэг ихтэйгээр алдартай. Байцаатай, хүрэн манжинтай болон давсалсан өргөст хэмхтэй шөл оросын хүн амын дотор хамгийн их хэрэглэгддэг хоолны нэг юм. Энэхүү шөлийг сольянка, борш гэдгээр нь бид сайн мэдэх билээ.
2
Кефир
Сүүнээс гаргаж авдаг энэхүү бүтээгдэхүүн нь тарагтай нэлээд төстэй аж.
3
Шарвин
Оросын гал тогоог блинчик буюу шарвингүйгээр төсөөлөхийн аргагүй. Нимгэхэн хайрсан амтат шарвинг өөрийнхөө дуртай цөцгийн тос, жимсний чанамал, зөгийн бал, шоколад, сироп, өтгөрүүлсэн сүү буюу молоко, аарц зэргээр амталж болохоос гадна чихэрлэг зүйлд дургүй бол дотор нь мах, төмс, ногоо гээд юу л бол юу хийж идэж болно.
4
Квас
Оросын Кока кола гэж болох энэхүү ундааг хөх тарианы гурил эсвэл овьёосоор хийдэг байна.
5
Сбитень
Энэ бол хүйтний улиралд уухад тохиромжтой эрүүл мэндэд хамгийн сайн ундаа юм. Энэ ундааг хийхэд хоёр өөр сав хэрэглэдэг. Нэгд нь ургамлын ханд, нөгөөд нь зөгийн бал хийж буцалгаад хольж бэлтгэдэг аж.
6
Хатаасан жимс
Оросууд алим болон бөөрөлзгөнийг хатааж иддэгээрээ алдартай. Энэхүү хатаасан жимсийг аль ч дэлгүүрээс олж болно.
7
Винегрет салат
Энэхүү салат нь олон төрлийн амин дэм агуулдгаас гадна цусны эргэлтийг сайжруулж, зүрхний үйл ажиллагаанд эерэг нөлөө үзүүлдэг ач тустай. Энэхүү салатыг өргөст хэмх, лууван, төмс болон сонгиноор хийдэг. Оросууд энэ салатыг өвөл зуны улиралд илүүтэй хэрэглэвэл зохих хамгийн шилдэг витаминлаг салат гэж үздэг.
8
Орос жигнэмэг
Гурилан бүтээгдэхүүнээс бялуу болон пирог зоог баривал нийтийн дунд тэдгээр амттаныг тавьсан бол хавчаар мэт хоолны тоноглолыг ашиглан өөрийн тавганд тавин бялууг хутга сэрээгээр, пирожен буюу амтат жигнэмгийг зориулалтын сэрээгээр, харин амархан үйрдэг мөртөө хатуу амтат боовыг гараар барьж идэж болдог. Хэрэв амтат жигнэмэг нь дундаа чанамал жимс болон бусад амттантай хийгдсэн байвал мөн адил гараар барин зооглож болох ба печенийг хэсэглэн хугалж иднэ.
9
Кисель
Кисель буюу жимсний зутанг шинэ буюу хатаасан жимс, жимсгэнэ, жимсний өөрийн шүүс, жимсний нухаш, сүү, чихрийн ханд, төмсний гурил болон бусад хүнсний бүтээгдэхүүнээр бэлтгэдэг бөгөөд үүнийг эрүүл мэндэд тун тустай гэж үздэг юм.
10
Жигнэсэн алим
Голыг нь авч зөгийн бал хийгээд жигнэж бэлтгэсэн алимыг орос хүн бүр идэх дуртай байдаг. Та ч гэсэн идээд үзэхийг зөвлөж байна.
11
Сауэрерраут
Европ, тэр дундаа Оросын иргэдийн идэх дуртай уламжлалт салат. Энэхүү салат төрөл бүрийн витамин, эрдсээр баялаг аж. Энэхүү салатыг байцаа, лууван болон өргөст хэмхээр хийдэг.
