1
Тос шингээдэг салфетканы оронд кофены цаасан шүүрийг ашиглаж болно.
Кофены цаасан шүүр маш олон ширхэгтэйгээр хаа сайгүй худалдаалагддаг. Мэдээж энэ нь гоо сайхны тос шингээдэг салфетка худалдаж авснаас илүү хямд тусна. Эдгээр нь зөөлөн цаасаар хийгдсэнээс гадна ямар нэгэн үнэртүүлэгч агуулаагүй байдаг учир нүүрний тосыг шингээхэд нэн тохиромжтой.
2
Нарны хамгаалалттай шингэн энгэсэг
Таны гоо сайхны будагны тавиур дээр хэд хэдэн крем, өө дарагч байгаа гэдэгт итгэлтэй байна. Алдарт нүүр будалтын мэргэжилтэн Кевин Жеймс Беннетт (Kevin James Bennitt) "Өөрт байгаа нарны хамгаалалттай тосыг ашиглаж өөрийн арьсанд тохирсон өнгөтэй кремийг өөрөө найруулан түрхэж болно" гэж хэлжээ. Үүний тулд нарны тос, бор өнгийн кремээ 3:1 харьцаатай хийж хутгахад л хангалттай.
3
Цардуулаар өөрийн будсан лакийг матте болгож болно
Хоёр грамм эрдэнэшишийн цардуулыг хумсны лакандаа хийснээр та матт өнгийн лактай болох нь ээ. Гоо сайхны блог хөтлөгчид үүнийг баталсан бөгөөд заавал бүх лакаа матте болгохгүйгээр зөвхөн будах хэмжээгээрээ таслан авч цардуул нэмсэн ч болно.
4
Будаг шингээгч
Нүүрний будаг шингээгч нь будгийг тогтоцтой болгоод зогсохгүй, арьсыг илүү байгалийн мэт харагдуулахад тусалдаг. Хэрвээ будгаа сэргээж, хэт их будсан мэт харагдахыг хүсэхгүй байвал гидролатыг ашиглаж болно. Энэ нь эфирийн тосыг ууршуулах үед ялгардаг шингэн бөгөөд дэлгүүрүүдэд хямдхан худалдаалдаг.
5
Уруулын будгаа матт болгоход өө дарагч тусална
Матте уруулын будаг тийм ч хямд үнэтэй байдаггүй билээ. Тиймээс уруулан дээрээ өө дарагчаа түрхээд хэсэг хугацааны дараа уруулын будгаа дахин дээрээс нь түрхэхэд таны будаг матте өнгөтэй харагдах болно хэмээн нүүр будалтын мэргэжилтэн Пэт МакГрат (Pat McGrath) зөвлөжээ.
6
Тугалган цаасаар хийсэн сэрүүцүүлэх маск
Ямар ч гоо сайхны маскны үр дүнг нь сайжруулахын тулд хөргөгчинд хийж хөргөсөн тугалган цаасыг ашиглаж болно. Үүнээс гадна өглөө нүүрнийхээ хаванг буулгахын тулд чийгшүүлэгчээ түрхээд дээрээс нь хэсэг хугацаанд тугалган цаас тавибал нүүрний будаг өдрийн турш тогтох боломжтой.
7
Цардуулаар хийсэн хуурай шампунь
Бэлэн хуурай шампунь худалдаж авч мөнгө үрэхийн оронд та өөрийнхөө гараар хийгээд үзээрэй. Үүний тулд эрдэнэшишийн цардуулыг какаотой холиод дээрээс нь хэдэн дусал эфирийн тос нэмнэ. Хэрвээ та шаргал үстэй бол какао хийх хэрэггүй.
8
Өөрийн гараар хийсэн арьс гуужуулагч
Гэртээ арьс гуужуулагч хийхийн тулд дэлгүүрээс усан үзэмний үр эсвэл бусад бэрсүүт жимсний төрлийн нунтаглаж жижиглэсэн хальсыг худалдан авах хэрэгтэй. Дараа нь энэхүү үйрмэгээ өөрийн дуртай биеийн шингэн савантай холиод гуужуулагч болгон ашиглаарай. Хүсвэл жимс, эфирийн тос зэргийг нэмсэн ч болно.
Хэрвээ дэлгүүр гарахыг хүсэхгүй байвал нунтагласан овъёос, элсэн чихэр, жамц давсыг ашиглах боломжтой.
9
Багс угаах уусмал
Уламжлалт ёсоор багсыг тусгай уусмалаар угаадаг хэдий ч энэ нь тийм ч хямд өртөгтэй биш. Тиймээс та бүлээн усанд нэг цайны халбага аяга таваг угаах шингэн, нэг хоолны халбага уксус хийгээд уг шингэндээ багсаа зайлаарай. Багс тань гайхалтай цэвэрлэгдэж, шинэхэн мэт л болно.
10
Нүдний контурны оронд сормуусны будаг хэрэглэх
Хэрвээ танд сормуусны будаг байгаа бол шинэ контур худалдан авах гэж яарсны хэрэггүй. Зүгээр л контурт тохирсон багсыг сормуусны будгандаа дүрээд нүдээ будахад л хангалттай.
11
Нүдний будагны суурь тос
Чанартай нүдний будагны суурь тос авсан тохиолдолд та багагүй хэмнэлт үүсгэнэ. Учир суурь тос нь нүдний будгийг илүү удаан тогтоход туслахаас гадна өнгийг нь тод гаргадаг юм. Тиймээс заавал үнэтэй тень худалдаж авах хэрэггүй.
12
Гуужуулагчны оронд хөмсөгний сойз ашиглах
Уруулан дээрх хатсан арьсаа гуужуулахын тулд хөмсөгний шинэ сойзыг ашиглаж болно. Уруулан дээрээ тос эсвэл эмчилгээний уруул өнгөлөгч түрхээд дараа нь хөмсөгний сойзоор үрэхэд л хангалттай.
13
Маскны оронд чийгшүүлэгч ашиглах
Өөрийн дургүй тоник буюу чийгшүүлэгчээр та шавар маск, ургамлын гаралтай маскийг найруулах боломжтой. Бүх төрлийн чийгшүүлэгч нь арьсыг тайвшруулах үйлчилгээтэй байдаг учир та гайхалтай үр дүнг мэдрэх болно. Мэдээж танд харшилдаг тоникийг сонгох хэрэггүй.
14
Бүтээгдэхүүнээ дуустал нь хэрэглэ
Шүдний оо, тосыг дуусах дөхсөн үед нь шахаж гаргах хэцүү байдаг. Энэ тохиолдолд танд үсний нарийхан хавчаар туслах болно. Ингээд бүгдийг нь дуустал шахсаныхаа дараа та ямар их оо, тосоо хаях гэж байснаа ойлгоно.
15
Лакан дээрх бөмбөлөг
Хумсаа будсаны дараа дээр нь ямар нэгэн бөмбөлөг үүсэх нь тийм ч таатай, цэвэрхэн харагддаггүй. Гэхдээ энэ нь өөрийн дуртай лакийг хаяж, шинэ үнэтэй лак худалдан авах шалтгаан биш. Харин үүний оронд хумсаа будахынхаа өмнө та лакаа 15 минутын турш хөргөгчинд байлгаарай.
16
Шинэ сормуусны будагны оронд шинэ багс хэрэглэх
Чанартай сормуусны будаг найрлага гэхээсээ илүү багсаараа хямд сормуусны будагнаас ялгардаг. Хэрвээ таны дуртай сормуусны будаг саяхан дуусаад та илүү хямд будаг авах хэрэгтэй болсон бол зүгээр л багсыг нь солиорой. Өмнөхөөс тань огтхон ч ялгарахгүй гэдэгт итгэлтэй байна.
Харин та ямар лайфхакийг хэмнэлт хийхийн тулд ашигладаг вэ?
