Ингэснээр арьсыг нарны хэт ягаан туяанаас хамгаалж, үрчлээ үүсэхээс сэргийлдэг. Түүнчлэн цагаан будаанд Е амин дэм, гамма-орнизол ч ихээр агуулагддаг. Гамма-орнизол нь зүрхний үйл ажиллагааг дэмжиж, цусан дахь холестериний түвшинг бууруулах ач тустай. Ингээд танд нүүрний арьсыг цайруулж, үрчлээ тэнийлгэх супер маск хэрхэн бэлтгэх аргыг хүргэе.
1
Орц:
- 3 хоолны халбага цагаан будаа,
- 3 хоолны халбага сүү,
- 3 хоолны халбага зөгийн бал.
2
Хэрхэн бэлтгэх вэ?
- Цагаан будаагаа чанаж, усыг нь сайтар шүүнэ /шүүсэн усаа асгаж болохгүй/.
- Нялцгай болтол чанасан будаан дээрээ бүлээн сүү, бүлээн зөгийн балаа нэмээд сайтар хутгана.
- Урьдчилан цэвэрлэсэн нүүрэндээ бэлэн болсон маскаа жигд түрхэнэ.
- Маскаа хаттал хүлээнэ.
- Маск хатсаны дараа будааны шүүсээр нүүрээ угаана.
Будаа шүүсэн ус нь хор зайлуулах үйлчилгээтэй аж. Мөн арьсанд чийг өгч, цусны эргэлтийг дэмжинэ. Үүнээс гадна сэвх, нөсөө толбо арилгаж, арьсны үрэвслийг ч анагаах үйлчилгээтэй.
Та биеэ наранд шарах гэж байгаа бол наран шарлагын газарт очихоос өмнө энэ маскийг нүүрэндээ тавихыг зөвлөж байна. Ингэснээр арьсанд чийг өгч, шинээр үрчлээ үүсэхээс сэргийлнэ.
3
Үр дүн
Үр дүнд хүрэхийн тулд энэхүү маскийг долоо хоногтоо нэг удаа хэрэглээрэй. Сарын дараа та одоо байгаа төрхөөсөө 10 насаар залуу харагдах болно. Үүнээс гадна цагаан будааны шүүсээр үсээ угааж, зайлахад зөөлөн гялалзсан харагдуулдаг байна.
Үүнээс гадна цагаан будааны шүүстэй холбоотой өөр нэг зөвлөгөө өгье. Нэг аяга будаан дээр 4-7 аяга ус хийж 2-4 цаг зөөлөн гал дээр чанаарай. Ингээд шүүсийг нь өдрийн турш уухад таныг гоолиг сайхан харагдуулахад тусална.
