Хосууд өнгөрсөн пүрэв гаригт хамт явж байгаад олны өмнө анх үзэгдсэн бөгөөд үүний дараахан буюу ням гаригт Бен Аффлекийн экс найз бүсгүй Линдсей Шокус өөрийн инстаграм хаягаа устгасан аж. Тэгэхээр тэдний болзож эхэлсэн нь тун саяхных, бас гэнэтийнх бололтой. Учир нь Бен Аффлек Линдсей Шокус нар ердөө сарын өмнө Пуэрто Рикод хамтдаа амарч яваа зураг нь олон нийтэд цацагдаж байсан юм.
"Play boy" сэтгүүлийн 2018 оны тавдугаар сарын шилдэг моделиор шалгарсан, халуухан бүсгүй Шауна Секстон Виржиниа мужаас гаралтай гэнэ. 16 настайгаасаа загварын салбарт хөл тавьсан, сүүлийн үед нэлээд нэрд гарч яваа загвар өмсөгчид тооцогдож буй аж.
Өчигдөр буюу даваа гаригийн өглөө Бен Аффлекийн шинэхэн амраг Шауна Секстоныг зураг авалтынх нь үеэр папарацчид ийнхүү дурандсан ажээ.
Тэрээр шар өнгийн бикинитэй тун дажгүй харагдаж байсан ч өмнөх усны хувцасных нь ормоор арьс нь зарим хэсэгтээ цайрч үзэгдэнэ. Гэсэн ч модель бүсгүй үүнээс огтхон ч санаа зовохгүй байгаа нь илт байв.
Шаргал үст энэ бүсгүй бол Бен Аффлекийн экс найз бүсгүй Америкийн телевизийн алдарт "Saturday Night Live" шоуны продюсер Линдсей Шокус юм. Тэд өнгөрсөн оны есдүгээр сараас албан ёсоор харилцаагаа ил болгосон бөгөөд Линдсей өмнөх нөхрөөсөө нэг хүүхэдтэй аж.
Өдгөө 46 настай Холливудын од Бен Аффлек жүжигчин Женнефер Гарнер (Jennifer Garner)-тай гэрлээд 10 жил болсны эцэст өнгөрсөн оны тавдугаар сард гэрлэлтээ цуцлуулсан юм. Тэд гурван хүүхэдтэй. Бен хүүхдүүдтэйгээ ойр байхын тулд Лос-Анжелест амьдардаг ажээ.
