"Оскар"-ын шагналт жүжигчин Леонардо залуу байхын л хүүхэмсэг гэдгээрээ алдартай байсан. Хэдий тийм ч тэр хувийн амьдралаа олонд дэлгээд байх дургүй, тун ч нууцлаг нэгэн юм шүү. Олон загвар өмсөгч, жүжигчидтэй нэр холбогдсон ч үргэлж папарацийн дурангаас хол байж, олны өмнө гарахаас сэргийлж иржээ. Харин улаан хивсний ёслолд хамт алхах юм уу, эсвэл хаа нэгтээ цуг аялж байвал тэр бүсгүйтэйгээ цаашид ч ирээдүйгээ төлөвлөхөд бэлэн байна гэдгийг  нь илтгэх аж.

Энэ удаа тэрээр өнгөрсөн арванхоёрдугаар сараас хойш үерхсэн нууцлаг бүсгүй, 21 настай загвар өмсөгч Камила Морроун (Camila Morrone)-ы хамтаар Францын Корсика аралд амарсан бөгөөд  харилцаагаа хүмүүсээс нуухыг хүсээгүй бололтой.

Камила Морроун “Victoria’s Secret Pink” дотуур хувцасны брэндийн залуу загвар өмсөгчдийн нэг юм. Түүгээр тогтохгүй энэ онд хоёр ч кинонд дүр бүтээгээд амжжээ. Энэ нь Леонардотой нэр холбогдож, олны анхааралд өртөх болсонтой холбооотой ч байж мэднэ. 

Гэхдээ бас нэгэн сонирхуулах зүйл бол Камилагийн ээж жүжигчин бөгөөд жүжигчин Аль Пачино (Al Pacino)-той үерхээд нэлээд удаж байгаа гэсэн шүү. Гэхдээ ээж нь охиныхоо найз залуугаас ч насаар залуу ажээ.