1
Риболлита (Ribollita)
Риболлитаг эрт дээр үед ядуусын хоол гэж үздэг байсан. Зарц нар талх болон ногооны үлдэгдэл цуглуулж гэртээ өдрийн хоол хийдэг байжээ. Үнэн хэрэгтээ энэ хоол салахын аргагүй амттай. Өдгөө Тосканы хамгийн амттай хоолны төрөлд багтдаг.
2
Ризи болон Бизи (Risi e bisi)
Ризи болон бизи буюу “Будаа болон вандуй” нэртэй хоол нь Италийн хамгийн амттай хоолны төрөлд багтдаггүй ч маш сайхан үнэртэй. Нэрнээс нь харахад гол найрлагад нь будаа, вандуй ордог болохыг мэдэж болно. Амталсан шөлөн дээр будаа болон вандуйгаа хийгээд чанахад л хангалттай.
3
Биголи (Bigoli)
Та шпагеттинаас илүү амттай гоймон байхгүй гэж бодож байна уу? Тэгвэл тийм биш ээ, Италийн Венето мужийн бэлгэ тэмдэг болсон биголиг амсаж үзвэл таны бодол шууд л өөрчлөгдөх болно. Энэ гоймон нарийхан шпагеттиг бодвол бүдүүн, дотроо хөндий байдаг. Гурвалжин будаа болон галууны өндгөөр энэхүү гоймонг гар агаар хийдэг юм байна. Ихэнхдээ хуурай улаан дарсны сүмс, хүнсний ногоо, зэрлэг галууны махтай хольж иддэг.
4
Тортеллини буюу банштай шөл (Tortellini)
Италийн хойд хэсгийн оршин суугчдын хувьд “Тортеллинитэй шөл”-ийг баяр ёслолын зоог болгон барьдаг. Энгийн үед иддэг баншийг бодвол тахианы шөлөн дээр чанаж, дээрээс нь пармезан бяслаг бага зэрэг цацсан байдгаараа ялгаатай.
5
Канедерли (Canederli)
Тосканы риболлитагийн адилаар үүнийг талхаар хийдэг байна. Энэ удаа талхаа өндөг, сүүтэй хольж хутгаад бөөрөнхийлнө. Амт нэмэхийн тулд утсан гахайн мах, бяслаг, сүмстэй холиод дараа нь тахианы мах, үхрийн махны шөлөнд чанадаг. Бэлэн болсон канедерлигээ шөлтэй нь эсвэл хуурайгаар нь цөцгийн тостой хольж иднэ.
6
Оссобуко (Osso buco alla Milanese)
Италид очсон үед тань "Амсахыг хүсэж байгаа нэг махан хоол сонго" гэвэл та оссобуког сонгоорой. Тугалны шилбэний махыг цагаан дарс, хүнсний ногоотой жигнэж, сармисны сүмстэй хамт өгдөг.
7
Каччукко (Cacciucco)
Далайн гаралтай бүтээгдэхүүн идэх дургүй юм биш биз? Тэгвэл та каччуког амсаад энэ бодлоо бүр мөсөн орхих болов уу? Амтат далайн гаралтай бүтээгдэхүүнээр хийсэн каччуко Ливорноос гаралтай. Загасчид зарагдаагүй үлдсэн загасаараа хоол хийсээр энэхүү амтат хоолны жор үүссэн байна. Хясаа, наймаалж, загасны махыг улаан лоольтой хольж халуун ногоотой, төрөл бүрийн ногоо, сармисаар амталсан шөлөнд болгоод шаржигнасан талхтай иддэг. Энэ нь маш амттай учир Сан-Францискогийн цагаачид өөрсдөдөө зориулж “чоппино” хэмээх хоолыг зохиож, Номхон далайгаас барьсан далайн гаралтай бүтээгдэхүүнээр каччуко маягийн хоол хийх болжээ.
8
Фокачча ди Рекко (Focaccia di recco)
Италийн Лигурию руу очих нэг шалтгаан бол Фокачча ди Рекко нэртэй хоол юм. Маш амттай хэрнээ, бас энгийн. Өөрөөр хэлбэл, энэ нь бяслагтай жигнэсэн талх аж.
9
Боттарга (Bottarga)
Боттаргаг хоол гэж хэлэхэд хэцүү бөгөөд ерөнхийдөө хоолны орц, зууш гэж хэлж болно. Энэ бол хөх цэнхэр туна эсвэл далайн хадран загасны хатаасан түрс юм. Маш сайхан амттай учир Италийн өмнөд зүгийнхэн хоолондоо хачир байдлаар хэрэглэдэг.
10
Торроне (Torrone)
Торронегийн үүсэл гарал төдийлөн тодорхойгүй байгаа. Зарим нь Италийн Ломбардийд, бас нэг хэсэг нь Сицилид үүссэн гэж үздэг байна. Энэхүү хоолыг зөгийн бал, өндөгний шар, шарсан самар, цитрусын төрлийн жимсний хальсаар хийдэг бөгөөд хоолыг амссан даруйд таны амтлах мэдрэмж гайхалтай сэргэх болно.
