1 Өөрийгөө бэлтгэх (нэг минут)

Шүүгээгээ нээхээс өмнө өөрийгөө бэлтгэх хэрэгтэй. Шүүгээ байдаг өрөөгөө суллаж, хэрэггүй хуучирсан хувцсаа хийх уут эсвэл хайрцаг мөн цэвэрлэх алчуур зэргийг зэхэж тавихаа мартуузай.

2 Бүх хувцсаа гаргаж тавих (гурван минут)

Шүүгээнд байгаа хувцсаа тавиур тавиураар нь гаргаж тавина. Хэрвээ та олон хувцастай бол ор эсвэл ширээн дээрээ өрж тавихыг зөвлөе. 

3 Шүүгээгээ цэвэрлэ (гурван минут)

Тоос соруулагчаар шүүгээн дэх тоос шороог нь цэвэрлэнэ. Дараа нь мебель цэвэрлэгч эсвэл савантай усаар сайтар арчаарай. 

4 Хувцсаа ялга (гурван минут)

Цэвэр, бохир, урагдсан урагдаагүй эсэхээр нь ялгана. 

5 Хувцсаа ангил (15 минут)

Мэдээж үүнд 15 минутаас илүү хугацаа шаардаж магадгүй ч үүнийг заавал хийх хэрэгтэй. Эхлээд аль хувцсыг нь шүүгээнд буцааж тавих шаардлагатай эсэхийг шийдэх хэрэгтэй шүү дээ. Сүүлийн 12 сарын туршид өмссөн эсэхээс үл хамааран засварлах боломжтой (хэрэв гэмтсэн бол) эсэхийг шалгана. Хэрэв та цэвэрлэж эсвэл засварлах боломжгүй хувцастай бол эргэлзэх юмгүй хаяарай.

6 Шүүгээгээ буцааж дүүргэ (дөрвөн минут)

Хувцсаа өнгө, төрөл зэргээр нь ангилж эмх цэгцтэй өрнө. 

7 Хэрэггүй болсон хувцаснаасаа ангижир (нэг минут)

Хаяхаар шийдсэн хувцаснуудаа шууд хогийн саванд хийх юм уу, буяны байгууллагад хандивлаж болно.