Хятадын зарим зоогийн газарт энэ хоолыг 30-100 ам.доллараар зардаг. Ийм хоол хийхэд зориулсан шувууны нэг кг үүр даруй 10.000 ам.долларт хүрнэ гээд бод доо. Хамгийн гол нь шувуу үүрээ шүлсээрээ барьдагт л үнэ цэнэ нь байгаа хэрэг. Тэр үүрийг усанд дэвтээхэд яг л жүүс шиг амттай  болно. Энэ хоол эрүүл мэндэд бас их ашигтай, багтраа өвчнийг анагааж, бэлгийн чадавхийг дээшлүүлж залуужуулдаг гэнэ. 

Үүр олж авахад хамгийн хэцүү нь хараацай хадан хавцлын оройд үүрээ барьдаг. Түүнээс гадна эмэгчин нь бараг бүтэн сар болж байж нэг үүр барьж дуусгадаг юм байна.  

Харин Ван Ли гэдэг залуу өндөр уул, хадан хавцалд үүрээ засдаг байгалийн зэрлэг шувуудыг өсгөж үржүүлж, үүрийг нь авах мэргэн арга олжээ. Энэ санааныхаа ачаар тэрээр сард хэдэн сая долларын орлого олох болсон байна. 

Хятадууд 400 гаруй жилийн өмнө шувууны үүрээр шөл хийдэг болсон бөгөөд өдгөө энэ бизнес таван тэрбум ам.долларын зах зээлтэй болтлоо өргөжжээ. Индонези улсад шувууны үүр цуглуулахын тулд жилд ДНБ-ийхээ 0.5 хувийг, мөн загас агнуурын ажиллах хүчний 1/4-ийг зориулдаг байна.