Ануар Патаяанэ "National Geographic" сэтгүүлээс тодруулдаг шилдэг гэрэл зургийн уралдааны байгалийн сэдэвт зургийн ангилалд нь ялагч болж байжээ. Тэрээр энэ удаад далайн гүнд орж аварга загас, халим, далайн гахай зэрэг олон төрлийн амьтдын зургийг авсан байна.

Далайн экосистем болон амьд амьтдыг хайрлан хамгаалахыг мексик гэрэл зурагчин уриалж, энэхүү зураг авалтыг хийсэн гэнэ. "Далай тэнгис хэр үзэсгэлэнтэйг би хүмүүст харуулахыг зорьсон. Тэд загасыг зөвхөн хүнсний бүтээгдэхүүн гэж харахаа болиосой гэж хүсэж байна. Зарим хүн зөвхөн ой мод устан үгүй болж, сүйдэж байгаа талаар л санаа зовдог. Гэвч усан доорх ертөнц ч мөхлийн ирмэгт ирээд байгааг ойлгох хэрэгтэй" гэж ярьсан байна.

Тэрээр дан ганц далайн гүний амьдралыг камертаа тусгадаггүй юм. Дэлхийн өнцөг булан бүрт очин улс орнуудын байгалийн сонирхолтой тогтоц, үзэсгэлэнтэй газруудын зургийг голчлон авдаг ажээ.