Ираны таван бүсгүй эсрэг хүйстнийхээ дүрд хувирч хориотой газар руу нэвтэрчээ

Бадамаа
2018-05-04, 12:20
7,325
1
Хуваалцах

Ирэн бүсгүйчүүд хиймэл үс, сахал нааж, эрэгтэй хүний хувцас өмсөж, эсрэг хүйстнийхээ дүрд хувирсан нь олны анхаарлыг ихэд татаж байна. Ийн хүйсээ өөрчлөх болсон шалтгаан нь тэд Азади талбайд очиж өөрсдийн дуртай хөл бөмбөгийн баг болох “Персеполис”-ын тоглолтыг үзэхийг хүссэнтэй холбоотой аж. Учир нь 1979 оноос Иран улсад эмэгтэй хүн цэнгэлдэхэд очиж, хөл бөмбөгийн тэмцээн үзэхийг хориглосон байна.

Ираны таван бүсгүй эсрэг хүйстнийхээ дүрд хувирч хориотой газар руу нэвтэрчээ

Бүсгүйчүүдийн шүтээн болсон баг 3:0-ийн харьцаагаар хожиж, Ираны хөл бөмбөгийн аварга болжээ. Тиймээс хөл бөмбөгийн фанатууд дүрэм зөрчсөндөө огтхон ч харамсаагүй  нь лавтай.

“Персеполис” багийн шүтэн бишрэгчдийн клубийнхний авсан гэрэл зургийн ачаар тэднийг олж илрүүлсэн бөгөөд бүсгүйчүүд хайртай багийнхнаа чин сэтгэлээсээ дэмжсэн байна.

Энэхүү зургийг үзсэн хүмүүс “Зоригт бүсгүйчүүд” хэмээн иран эмэгтэйчүүдээр бахархсан бол хэзээ нэгэн өдөр хүйсээ нуухгүйгээр хөл бөмбөгийн тэмцээн үзэх боломжтой болох болно гэдэгт итгэлтэй байгаагаа тэд илэрхийлжээ.

Үүнээс яг гурван долоо хоногийн дараа энэ явдал дахин давтагдсан гэнэ. 35 эмэгтэй мөн л эрчүүдийн дүрд хувирч “Персеполис” болон "Эстеглял" багийн хооронд болсон тэмцээнийг үзэх гэж яваад хууль сахиулдагчдад баригдсан аж. Цагдаа нар бүсгүйчүүдийг түр саатуулсан байна. 

Тегераны аюулгүй байдлын тэргүүн хэлэхдээ: “Ийм зүйл нэг биш удаа тохиолдож байна. Хөл бөмбөгийн тэмцээн үзэх эмэгтэйчүүдийн эрхийг хязгаарласан нь тэдний нэр хүндийг хамгаалахын тулд юм. Хэрвээ эмэгтэйчүүд хөл бөмбөгийн тэмцээн үзэхийг хүсэж байвал гэртээ зурагтаараа үзэж болно шүү дээ” гэжээ.

ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

5
таалагдаж байна

5
таалагдахгүй байна

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()