1
Өнгийн тирко
Тод өнгийн шилэн тирконууд хэдхэн жилийн өмнө бүсгүй бүрийн гоёл болоод байсан билээ. Ийм тирко нь хүний анхаарлыг шууд татахаас гадна сэтгэл санаанд нөлөөлдөг хэмээн үздэг байсан юм.
Харин 2017 оны Калзедониа дахь загварын 7 хоногийн үеэр өнгийн тирко тийм ч их алдартай байсангүй. Оронд нь загвар зохион бүтээгчид зурагтай, цэгтэй, хээтэй, шигтгээтэй тирконуудыг хувцаслалтанд өргөнөөр оруулж өгчээ.
2
Тэгшхэн тайралттай үс
Багадаа барбигаар тоглодог байсан охин бүр урт долгионтой, урдуураа тэгшхэн тайрсан чёлктой байхыг хүсдэг байсан байх. Одоо бол хүүхэлдэйнүүд хүртэл орчин үеийн, бодит байдалтай илүү адилхан болжээ. Сүүлийн үеийн үс засалтанд нүдэн дээгүүр татсан шулуун, өтгөн тайралтыг загварлаг гэж үзэхээ больсон байна.
3
Шивүүлсэн хөмсөг
"Smashbox" нүүр будагны брендийн мэргэжилтэн, нүүр будагч Вилл Малхербе (Will Malherbe) хөмсөгөө шивүүлэх гэдгийг мартах цаг нь болсон хэмээн зөвлөж байна. Тэрээр нүүр буддаг ажлынхаа улмаас хөмсгөө шивүүлсэн мянга мянган бүсгүйчүүдтэй таарч байсан ч зөвхөн 5 юм уу 5-аас бага тооны бүсгүйчүүдэд зохисон байсан гэсэн байна. Хөмсөгний оронд нарийхан шулуун зураас байх нь онцгүй харагддаг.
4
Нарийхан хөмсөг
Дээр дурдсанчилан хөмсөгний хэлбэр, хэмжээ нь хиймэл байх нь үнэхээр зохимжгүй харагддаг. Нарийн хөмсөгнөөс илүүтэйгээр өргөн хөмсөг трэнд болж байгаа ч натурал харагдах хэрэгтэй.
5
Нүүрний гэрэлтүүлэгч
Нүүрээ будах гэж хичнээн олон зүйл давхарлаж нялдаг байсан үе ард хоцорчээ. Учир нь нүүр будгийн бүтээгдэхүүний үйлдвэрлэгч "Bobbi Brown" брендийн үүсгэн байгуулагч бүсгүй нүүр гэрэлтүүлэгч саа үеэ өнгөрүүлсэн гэсэн байна. Үүний оронд чийгшүүлэх тос, уруул өнгөлөгчийг тухайн хэсэгт бага зэрэг түрхэхэд хангалттай гэжээ.
6
Жигд бус өнгөтэй арьс
Наранд борлосон арьс эрүүл бөгөөд үзэсгэлэнтэй харагддаг. Харин улбар шар өнгийн арьс тийм ч сайхан харагдахгүй л болов уу. Наранд бага зэрэг биеэ шарах, тусгай төхөөрөмж ашиглан арьсаа жигд борлуулах тал дээр илүү их анхаараарай. Гэхдээ наранд биеэ шарахын өмнө нарны тос заавал түрхэх ёстойг бүү март.
7
Том сүртэй даашинз
Навсайсан, сул даашинзыг сүүлийн үед хөдөө тосгоны хүмүүс л өмсөх болсон. Жил бүр зохиогддог "Met Gala ball" үдэшлэг нь жинхэнэ загварын шоу буюу ялангуяа гайхалтай даашинзуудыг нэг дороос харах боломжыг олгож байна. Өнөө үед алдартай бүсгүйчүүд энгийн бие барьсан, урт даашинзыг илүүтэйгээр сонгох болжээ.
8
Амьтны үс
Амьстны үсийг зөвхөн баячууд өмсдөг гэсэн ойлголт одоо бараг үгүй болжээ. Харин ч бүр амьтдыг хамгаалах хэрэгтэй гэдгийг хүмүүс чухалчлан үздэг болж. "Stella McCartney", "Armani", "Calvin Klein", "Tommy Hilfiger" зэрэг томоохон брендүүд амьтны үсийг ашиглахгүй гэдгээ зарласан билээ.
Хэрвээ та үслэг эдлэлд дуртай бол хиймэл үстэй, тод өнгийн хувцас сонгоорой.
9
Лакан гутал
Лакан материалтай гутал нь жоохон хүүхдүүдэд л хөөрхөн харагддаг. Хэрвээ насанд хүрсэн эмэгтэй хүн ийм гутал өмссөн бол түүнийг загварын мэдрэмжгүй хэмээн дүгнэх болно.
10
Жирийн куртик
Куртик тань хэдийгээр дулаахан, тухтай байсан ч таныг бусдаас онцгой харагдах боломжыг үгүй хийж байдаг. Мөн ихэвчлэн хар бараан өнгөтэйг өмсдөг бол сонирхолтой тод өнгө сонгохоор зориглоод үзээрэй.
