1
Өдөр тутамынхаа хоол хүнсэнд өөр өөр жимс, ногоо хэрэглэх
Өөр өөр өнгийн жимс ногоонууд нь өөр өөр төрлийн эрдэс бодисыг өөртөө агуулж байдаг. Тиймээс өдөр тутамынхаа хоол хүнсэнд өнгө өнгийн хүнсний бүтээгдэхүүн хэрэглэх нь маш чухал юм. Солонгон дэглэм нь хэрэгцээт өнгө бүрийнхээ бүтээгдэхүүнийг хэрэглэхэд оршино.
Гол дүрэм нь та өдөрт 5 өнгийн ногоо жимсийг 5 аяга идэхэд л хангалттай.
2
Улаан
Улаан өнгөтэй хүнсний ногоо, жимсэнд гүзээлзгэнэ, тарвас, бэрсүүт жүрж, бөөрөлзгөнө, хүрэн манжин, ягаан сонгино, улаалзгана, улаан лооль гэх мэт багтана.
Эдгээр жимс ногоонууд нь антиоксидант болон P витаминаар баялаг юм. Жишээ нь: Улаан усан үзмэнд агуулагддаг ресвератрол нь зүрх судасны өвчин, хорт хавдраас сэргийлэх үрэвслийн эсрэг найрлагатай. Тарвас, бэрсүүт жүрж, улаан лоолинд байх ликофень нь түрүү булчирхайн үрэвслээс сэргийлдэг. Мөн хүрэн манжинг ягаан болгодог бетацицин нь хорт хавдраас сэргийлэх хүчтэй бодисны нэгд тооцогддог.
3
Шар болон улбар шар
Шар болон улбар шар өнгийн хоол хүнсэнд лимон, лууван, хулуу, шар чинжүү, эрдэнэ шиш, шар алим, тоор, амтат гуа, чангаанз, хан боргоцой зэрэг орно.
Улбар шар өнгийн хоол хүнсний бүтээгдэхүүнд агуулагдах бета каротин болон C витамин нь арьс болоод салстын мембрануудыг хамгаалахад чухал үүрэгтэй. Мөн бета каротин нь хорт хавдар үүсэх эрсдэлийг бууруулж, зүрхний өвчин, нүд бүлцийх, үе мөчний өвчин, цусны судас гэмтэх зэргээс хамгаалдаг байна. Лютейн нь мөн шар, улбар шар өнгийн хоол хүнсэнд агуулагддаг бөгөөд нүдний хараа, тархины үйл ажиллагааг дэмжиж, хорт хавдраас урьдчилан сэргийлэх үйлчилгээтэй юм.
4
Цагаан
Энэ төрлийн хоол хүнсэнд цагаан өнгийн цэцэгт байцаа, сонгино, сармис, цагаан лууван зэргийг хамруулана.
Цагаан өнгийн хоол хүнсэнд антиоксидант, үрэвслийн эсрэг, тромбикны эсрэг бүхий ксантин их хэмжээгээр агуулагддаг. Энэ нь зүрх судасны өвчнөөс урьдчилан сэргийлж, дархлааг дэмжихэд үр дүн сайтай.
Сонгино л гэхэд маш хүчтэй пробиотик юм. Сармис нь цусны даралтыг бууруулах, зүрхний шигдээсээс сэргийлэх аллицинаар баялаг байдаг. Цагаан лууван нь бөөрийг цэвэрлэж, биеэс хорт бодисыг гадагшлуулах шээс хөөх байгалийн гаралтай бодисыг өөртөө агуулдаг.
5
Ногоон
Бууцай, өргөст хэмх, яншуй, лайм, хэрээний нүд, салатны навч, байцаа, хаан жимс, киви, ногоон алим, цэцэгт байцаа, юуцай зэрэг нь ногоон өнгөтэй билээ.
Ногоон өнгийн жимс, хүнсний ногоонд байдаг хлорофил нь хавдраас сэргийлэх, элгийг цэвэрлэх, жингээ барихад тустай юм. Мөн вирусын эсрэг найрлага нь арьсыг эрүүл байлгахад үр дүн сайтай. Харин кали нь зүрхний эрүүл мэндэд чухал нөлөөтэй. Бууцайнд агуулагддаг тилакоид нь жин хасах үйл явцыг идэвхижүүлж, өөх тостой хоол идэх дуршлыг бууруулдаг байна.
6
Хөх болон нил ягаан
Цэнхэг болон нил ягаан өнгийн хүнсний бүтээгдхүүнүүд нь ягаан байцаа, үхрийн нүд, хаш, нэрс, чавга, ягаан усан үзэм гэх мэт.
Эдгээр өнгийн хоол хүнсний бүтээгдэхүүнүүд нь хорт хавдар тусах магадлалыг бууруулахаас гадна шээсний замын үрэвсэлд маш сайн. Антоциан нь гэмтсэн эд эсийг нөхөн сэргээх, зүрхний үйл ажиллагааг дэмжих, холемстриныг бууруулах, таргалалтыг эсэргүүцэж, сэтгэхүйн үйл ажиллагааг сайжруулах давуу талтай юм.
7
5 төрлийн өнгийн хоол хүнс
Дэлгүүрээс хоол хүнсний бүтээгдэхүүн худалдан авахдаа юу авахаа мэдэхгүй байвал өнгөөр нь ялган сонгож болно гэдгийг санаарай. Сагсандаа заавал 5 төрлийн өнгийн хоол хүнсний бүтээгдэхүүнээр дүүргэхийг хичээгээрэй.
8
Идэх дуртай зүйлээ жимс, ногоогоор орлуулан хэрэглэх
Энэхүү солонгон дэглэм нь таны биеийн эрүүл байдлыг сайжруулаад зогсохгүй илүүдэл жингээ хаяахад тань туслах юм. Дээр дурдсанчилан хатуу чанга дэглэм барилгүйгээр пицца, гоймонтой хоол, бялуу, түргэн хоол зэргийг жимс ногоогоор орлуулан хэрэглэхэд л хангалттай юм.
