Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Эдгээр дурдагдсан бүтээгдэхүүнүүдийг дэлгүүрээс авах юмныхаа жагсаалтаас хасаарай. Энэ хүнсний бүтээгдэхүүнүүд нь хүний биед сөрөг нөлөөтэй, үнэтэй, хуурамч зэрэг үндэслэлээр уг жагсаалтанд багтжээ. Үүнд юу юу багтаж байгааг цааш дэлгэрүүлэн үзэцгээе.
Фармезан бяслагыг ногоо, гоймон зэрэгтэй хольж идэхэд маш сайхан амт оруулдаг. Гэхдээ заавал үнэтэй фармезан авч байхаар Фекорино Романо болон Сарвечио зэрэг амт чанар ижил 50% хямд бяслагуудыг туршаад үзээрэй.
Утсан хиам, мах, махан бүтээгдэхүүн нь хорт хавдар, цусны даралт зэрэг олон өвчний үндэс болдог. Мөн дээр нь артерын судсыг бөглөх өөх тосны агууламж маш өндөртэй.
Өглөө хоолны сереалнаас эхлээд жигнэмэг хүртэл нэрсний амттай болжээ. Гэвч үнэхээр нэрс ашигладаг гэж үү? Үнэн хэрэгтээ дэлгүүрийн тавиур дээр өрөөстэй байдаг энэ бүх бүтээгдэхүүнүүдийн орцонд нэг ширхэг ч нэрс ордоггүй байна. Эдгээр нь зөвхөн нэрсний амт оруулагч бүхий бодисыг агуулдаг байна. Та эх орноосоо түүсэн нэрсээ жимс хэвээр нь авч хөлдөөгөөд өглөө цай болон бусад амттан, хоол хүнсэндээ хэрэглэж заншаарай.
Энэ бол эрүүл хүнс нэр зүүсэн жинхэнэ хуурамч бүтээгдэхүүн. Найрлагыг нь маш сайн харж, үнэхээр олон үрийг гол найрлагаа болгосон эсэхийг шалгаарай. Ихэвчлэн цагаан гурилтай талханд хэдэн үр нэмж хийсэн байдаг. Магадгүй та үнэхээр эрүүл хүнс хэрэглэмээр байвал дан овъёосоор талх хийж идээрэй.
Үйлдвэрүүд бүтээгдэхүүний тослогыг нь багасгаад амтыг нь хэвээр үлдээхийн тулд өөр ямар нэг зүйл нэмж хийдэг. Харин самрын тосонд маш их хэмжээний элсэн чихэр нэмдэг байна. Тэгэхээр хуурамч чихэрлэг амтны оронд биед хэрэгтэй өөх тос, уургийг жирийн самарны тосноос аваарай.
Өөрийн дуртай цайгаа гэртээ идээшүүлж болгоод мөнгөө ч, нарийн бэлхүүсээ ч хадгалаарай. Савласан цайны элсэн чихэр нь хийжүүлсэн ундаа, нэг зүсэм бялуунаас ч илүү их элсэн чихрийн агууламжтай байдаг гэнэ.
Баталгаагүй нухаш худалдаж авч байхаар, шинэхэн улаан лоолийг миксердэж хийж болно. Ялангуяа зун, намрын улиралд ногоо жимс хямдарсан цагаар хийж хадгалаад хэсэг хугацаанд хэрэглэж болно. Үүнийг хийх хамгийн хялбар арга бол нухсан улаан лоолиндоо бага зэрэг улаан дарс, элсэн чихэр, өөрийн хүссэн амтлагч, сонгино, мөөг зэргийг нэмж хийгээд 1 цаг бага гал дээр буцалгана.
Эрч хүчээ нөхөх гэж энергийн ундаа уудаг бол үүний оронд кофе сонгоорой. "5 Hour Energy", "Monster Energy" зэрэг үйлдвэрлэгч компаниудад зүрхний шигдээс, цус харвалт зэрэгтэй холбоотой гомдлууд их ирэх болжээ.
Хэрвээ та эрүүл мэндийн шалтгаанаар цавуулаг багатай хүнс хэрэглэх шаардлагагүй л бол эрүүл хүнс хэрэглэнэ гэж цавуулаггүй бүтээгдэхүүн хэрэглэх хэрэггүй. Учир нь энэ төрлийн бүтээгдэхүүнүүд нь бүр илүү их элсэн чихэр, химийн орцтой байдаг байна.
Шар буурцагны сүү нь эрүүл мэндэд сайн нөлөөлөх нь юу л бол. Хэрвээ та өдөр тутмын хэрэглээндээ үнээний сүүнээс бусад сүүг хэрэглэдэг бол амт оруулаагүйг нь сонгоорой.
Хэрэглэж байгаа сереал болон амттаны тань найрлаганд "целлюлоз" гэж байгаа эсэхийг хараарай. Энэ нь модны үртэсний мэргэжлийн хэллэг юм. Хүнсний үйлдвэрүүд бүтээгдэхүүнээ том болгож харагдуулахын тулд үүнийг нэмж хийдэг гэсэн мэдээлэл байна.
Цагаан будааг долоо хоногт 5 болон түүнээс дээш удаа иддэг хүний чихрийн шижин тусах магадлал сард нэгээс дээш удаа иддэг хүнээс 17% илүү байдаг байна. Иймд цагаан будааг орлох бусад гурвалжин будаа, хөц будаа зэргийг хэрэглэж заншаарай.
Хоол хийхээ хөнгөвчлөх зорилготой үйлдвэрийн хөлдөөсөн ногоог заавал дэлгүүрээс үнэтэй худалдаж авах хэрэгтэй гэж үү? Гэртээ шинэхэн ногоонуудыг худалдаж аваад өөрийн гараар бэлдэж хөлдөөгөөд, өдөр тутамдаа хэрэглээрэй.
Бэлдсэн бэлэн сэндвич үнэтэй авахдаа та бараг л гаднах саванд нь их мөнгө төлж байна гэсэн үг. Нэг сэндвич худалдаж авах мөнгөөр гэртээ илүү амттай, амин дэмтэйг хийж идэх боломжтой.
Эдгээр зайрмаг нь калорийн хувьд тийм ч их биш ч гэлээ үнэ өртөгийн хувьд нилээд өндөр, ариун цэврийн шаардлага хангаагүй байдаг. Гэртээ хүссэн жимсээрээ хийх боломжтой бөгөөд жимсээ хальсалж, хэрчээд, 1 амны халбага элсэн чихэр, 1 амны халбага лимоны шүүстэй хамт блендерт хийнэ. Хэт өтгөн болвол 1-2 амны халбага ус юмуу сүү нэмж болно. Үүнийгээ хөлдөөж, хүссэн үедээ хэрэглэнэ.
Зурган дээрх хачир нь ердөө л будаа, давс амтлагчнаас бүтсэн боловч найрлаганаасаа давсан үнэтэй. Магадгүй энэ амтлагч нар нь одоо ч таны гал тогоонд бэлэн байгаа байх. Та өөрөө зууш бэлтгээд амтлагч, ногоо зэргийг нэмээд идэж болно.
Эдгээр бүтээгдэхүүн нь ихэвчлэн дэлгүүрийн мөнгө төлөх хэсэгт байдаг гэдгийг та анзаарсан байх. Учир нь гарах гэж байгаа хүмүүс хараад чихэрнээс арай эрүүл хүнс гэж бодоод шууд л авдаг. Харамсалтай нь эдгээр нь тослог ихтэй, элсэн чихрийн агууламж өндөртэй учраас бусад чихэр болон амттантай бараг тэнцүү хэмжээний калори агуулдаг. Үүн дээр нэмэгдээд чихэрнээс даруй 2-3 дахин үнэтэй байдаг. Үнэхээр эрүүл зүйл хүсэж байвал жимс, йогурт, багахан хэмжээний самар сонгоорой.
Шорлог, тахианы мах шарахад хэрэглэхэд тусгайлан зориулсан амтлагчнууд дотроо олон төрлийн амтлагчыг агуулсан гэж бодоод та авдаг байх. Тэгвэл орцыг нь шалгаарай. Нэн түрүүнд давс байх боловч дараа нь бусад амтлагч гэж бичсэн байдаг. Эдгээр нь нөгөө л бидний хэрэглэдэг перц, давс, цагаан гаа байхвий. Тиймээс янз бүрийн зориулалттай амтлагч авхынхаа өмнө шүүгээгээ нэг ухаад үзээрэй.
Найруулдаг цай нь өртөг өндөртэйн дээр элсэн чихэрнээс гадна янз бүрийн сироп, амт оруулагч ихээр агуулдаг. Харин хүссэн байхуу цайгаа худалдаж аваад бэлдэж уувал эрүүл мэндэд тустайн дээр эдийн засагт хэмнэлттэй. Чихэрлэг хирнээ калори багатай цай уухыг хүсвэл жимсний шүүс нэмээд үзээрэй.
Савтай ус нь өртөг ихтэй, байгаль орчинд ээлгүй зэрэг шалтгаанаар энэ жагсаалтанд багтжээ. Савтай ус нь бусад гадуур зарагддаг ундаа, жүүснээс хямд боловч өдөр тутам авч хэрэглэдэг хүн сарын дараа зардлаа харахад бас л хөөрхөн мөнгө зарцуулчихсан байдаг. Иймд шилэн сав худалдаж аваад гэрээсээ усаа авч яваад ууж болно. Мөн дээр нь лимон, өргөст хэмх зэргийг нэмснээр жингээ барихад тустай болов уу.
Угааж, уутласан саладны ногоонууд нь цаг завийг нь хэмнэх боловч энгийн ногоо, байцаанаас 3 дахин үнэтэй, ариун цэврийн шаардлага хангадаггүй. Үүнээс ч үнэтэй нь багахан зэргийн соус, тахианы мах зэргийг нэмээд л болоо. Интернетээс өөр шинэ жор харж, амттай хямд салатнуудыг төрөл бүрээр нь хийж идээрэй.
Самар үзэмний цуглуулгууд жижиг хэмжээтэй болох тусам үнэ нь нэмэгддэг. Угаас муудаж өмхийрөх бүтээгдэхүүн биш тул том хэмжээгээр аваад хооронд хольж, жижиг хэмжээгээр таслаад, ажил хичээлдээ авч яваарай.
Бэлэн өдрийн хоол нь мөн адил үнэтэй бөгөөд үнэтэй байгаа шалтгаан нь чамин ганган баглаа боодол. Мөн дээр нь нэмээд давсны агууламж ихтэйн дээр хэзээ бэлдсэн гэдэг нь тодорхойгүй. Тодорхой байсан ч итгэлтгүй.
Үнэтэй үйлдвэрийн зайрмаг худалдаж авахдаа та бараг л нэрэнд нь мөнгө төлдөг гэдгийг мэдэх үү? Найрлага, амтны хувьд ижил боловч илүү үнэтэй байдгыг нь тайлбарлах өөр шалтгаан алга.
Тефтель, котлетны бэлтгэсэн мах нь татсан мах худалдаж аваад өөрийн гараар хийхээс хамаагүй үнэтэй тусдаг. Ажиллагаа ихтэй гэж үү? Бид туршиж үзэхэд машиндсан махыг бөөрөнхийлөөд шарах шүүгээний тавцан дээр шидэхэд ердөө л 10 секунд зарцуулж байна лээ.
