1
Та удаан хугацаанд суудаг ажил хийдэг үү?
Жишээ нь: Холын замд тээвэр хийдэг, Унадаг дугуйчин ч юм уу... Бүгчим машинд удаан хугацаанд сууж явах, мөн хэт бариу хувцас өмсөх нь эр бэлгийн эс үйлдвэрлэх явцыг удаашруулдаг. Судалгаагаар аливаа хөдөлгөөний үйл ажиллагаанд ороогүй ч төмсөгний температур нэмэгдэхэд эр бэлгийн эсийн үйлдвэрлэл багасдаг төдийгүй бэлгийн сулралд оруулдаг болохыг тогтоожээ.
2
Нойрны дутагдал
Хүний бие махбод оройд унтаж амрах хэрэгтэй байдгийн адилаар эр бэлгийн эс ч гэсэн амрах хэрэгтэй байдаг. Хамгийн багадаа 7-8 цаг унтаж байж эр бэлгийн эсийн үйлдвэрлэл хэвийн явагддаг. Хэрвээ та багадаа 7 цаг унтаж чаддаггүй бол эр бэлгийн эсээ идэвхтэй байлгахын тулд иогоор хичээллэхийг зөвлөж байна.
3
Хоол хүнсний буруу сонголт
Харвардын их сургуулийнхан нэгэн судалгаа хийж туршжээ. Хэсэг бүлэг эрчүүдийг сонгон авч 2 хэсэгт хуваагаад, эхний бүлэг эрчүүдийн хооллолтод өдөр бүр хиам, гахайн мах зэрэг боловсруулсан бүтээгдэхүүн оруулж байсан ба нөгөө бүлэг эрчүүд өдөр бүр хоолондоо загасыг нэмэлт болгон хэрэглэжээ. Үр дүнд боловсруулсан мах идсэн эрчүүдийн эр бэлгийн эс муудсан байсан бөгөөд загас идсэн бүлэг эрчүүдийн эр бэлгийн эсийн үйлдвэрлэл 34%-иар илүү байсан аж. Үүнээс гадна эрүүл хооллож байсан эрчүүд бэлгийн сулралд өртөх магадлал буурч, сексээс илүү таашаал мэдрэх болсон гэдэг.
4
Тамхи татах
Өөрийгөө тайвшруулах зорилгоор тамхийг татдаг хүн цөөнгүй. Гэтэл өдөрт 7 болон түүнээс их янжуур тамхи татдаг эрчүүдийн эр бэлгийн эсийн үйлдвэрлэл муудаж, хөдөлгөөн нь ч багасах төдийгүй бэлгийн сулралд өртдөг байна. Хэрвээ та эр хүний чадвараа алдвал хэчнээн тамхи татаад ч тайвшрах нь юу л бол?
5
Согтууруулах ундаа хэтрүүлэн хэрэглэх
Согтууруулах ундаа нь тесторены хэмжээг бууруулдаг. Үр дүнд нь бэлгийн сулралтай болж, эр бэлгийн даавар багасч, гуяа хэсгээр өөхөлдөг байна. Архаг архидалт нь үргүйдэлд хүргэх аюултай.
6
Гар утас
Гар утаснаас үүсэх цацраг нь эр бэлгийн эсэд сөргөөр нөлөөлдөг байна. "Wifi" орчин нь ч мөн эр спермийн үйлдвэрлэлийг бууруулж, ДНХ-д нөлөөлж байгааг судалгаагаар тогтоожээ.
7
Рентген туяаны нөлөөлөл
Рентген туяа болон химийн эмчилгээ нь эр бэлгийн эсийн үйлдвэрлэлд сөрөг нөлөөтэй. Хэрэв энэ үйлчилгээ нь хэт ихэдвэл бүрмөсөн бэлгийн чадваргүй ч болох магадлалтай.
8
Илүүдэл жин
Хэрэв та илүүдэл жинтэй бол нэн даруй илүүдэл жингээсээ салаарай. Учир нь Харвардын их сургуулийн саяхны судалгаагаар илүүдэл жинтэй эрчүүд хэвийн жинтэй эрчүүдээс 11%-иар бага эр бэлгийн эс үйлдвэрлэдэг мөн 34%-иар илүү их эр бэлгийн эс гадагш алддаг болохыг нотолжээ. Илүүдэл жинтэй эрчүүдийн тестероны хэмжээ багасч, төмсөгний температур нэмэгддэг аж.
