1 Давстай усанд дэвтээх

Энэ бол хамгийн эхний шигдсэн хумсыг эмчилж болох энгийн арга билээ. Давс нь өвдөлтийг намдааж, хавдрыг буулгадаг ба найрлагандаа калийн перманганат буюу фураклинийг агуулсан байдаг.

2 Зуун настын шүүсийг шахаж түрхэх

Зуун настын шүүс нь арьсыг зөөлрүүлэх ид шидтэй байдаг билээ. Мөн өвчлөлтэй хэсгийг ариутгаж улам шигдэхээс сэргийлж нэг ёсондоо бичил давхаргыг үүсгэдэг байна.

3 Хөвөн даавуугаар жийрэглэх

Эмч нар хөлөнд тань ямар нэгэн эмчилгээ хийчихээд жижиг, хөвөн, даавуугаар жийрэглэж боож байгааг анзаарсан л биз дээ. Тэгвэл яг дуурайлгаад давстай усанд дэвтээж, зуун настын шүүс дусаасныхаа дараа үүнийг заавал хийгээрэй. Энэ нь бохир авахаас сэргийлэх болно.

4 Шүд цэвэрлэх мяндсан утас

Хумсаа шигдсэн арьснаас нь тусгаарлаж салгахын тулд шүдний утсыг хэрэглэж болно шүү. Үүнийг туршиж үзэхийг хүсвэл "гаатай" гэсэн бичигтэйг нь авах нь зүйтэй.

5 Зөв авах

Хумс шигдэж ургахаас сэргийлэх хамгийн үр дүнтэй арга бол үрэвсэл үүсэхээс нь өмнө хумсаа зөв буюу дугуй ирмэгээс зайлсхийж тэгшхэн хэлбэр үүсгэн авч сурах явдал юм. Үүнийг багаасаа дадал болгох хэрэгтэй. 

6 Зөөлрүүлэх

Өдөр бүр ажлаасаа ирээд хөлөө угаасныхаа дараа тос түрхэж зөөлрүүлж байгаарай. Ингэхдээ цайны модны тосыг сонгож түрхэх нь халдвар авахаас болоод мөөгөнцөртөхөөс сэргийлдэг байна.

7 Гутлаа зөв сонгох

Хумс шигдэж ургах нь маш их өвдөлт мэдрүүлдэг аюулт өвчин юм. Тиймээс анхнаасаа үүнээс сэргийлэх нь чухал билээ. Юун түрүүнд өөрт таарсан гутлаа сонгож өмсөх нь хамгаас зөв алхам болно. Хэт багадсан гутал өмсөхөд хөл барьснаар илүү яс ургах, хумс шигдэх үндэс болдог гэнэ шүү.  

Танд эрүүл энхийг хүсье!!!