Тэр амьд барби болохоосоо өмнө хэн байсан бэ?
Хэдийгээр Валериа Молдавт төрсөн ч одоогийн байдлаар Украин дахь нэгэн жижиг тосгонд амьдарч байгаа билээ. Бага байхаасаа л хүүхэлдэйгээр тоглож өссөн тэрээр барбины гайхалтай бие галбир, дүр төрхийг биширдэг байв. Ингээд түүний амьд барби болох мөрөөдөл нь бий болсон түүхтэй.
Эгэл жирийн гэр бүл
Валериагын ээж Ирина нь Оросын армид алба хаадаг байсан бол аав Валери нь барилгачин бөгөөд амьдралаа авч явахын тулд ажлынхаа хажуугаар нь DJ хүртэл хийдэг байсан. Эгэл жирийн амьдралтай гэр бүлд өссөн түүнийг хэн ч амьд барби болно гэж төсөөлж байгаагүй билээ.
Нүүдэл суудал
Валериа Орос, Украины хоорондын дайнаас зугтаж 2014 онд Мексик улс руу цагаачилсан байна. Энэ нь мэдээж их хачирхалтай байсан хэдий ч түүнд ашигтай сонголт байсан нь илт.
Барби болохоосоо өмнө нь ч тэр үзэсгэлэнтэй нэгэн байв
Валериа барби шиг болохоосоо өмнө ч үзэсгэлэнтэй нэгэн байсан гэдгийг та мэдэх хэрэгтэй. 2007 онд Дэлхийн алмазан титмийн эзэн хүртэл болж байсан түүхтэй ба гадаад төрхөө заавал өөрчлөх шалтгаан түүнд байгаагүй юм.
Тэр өөрчлөгдөж эхлэв
Түүнийг биендээ тэр чигт нь мэс засал хийлгэсэн гэсэн цуурхалыг тэрээр няцааж байсан ч эцэст нь мэс засалд орсон гэдгээ хүлээн зөвшөөрсөн байдаг. Тэрээр хамгийн түрүүнд хөх томруулах хагалгаанд орж, өөрчлөлтөө эхэлжээ.
Шүүмжлэгчид
Зарим хүмүүс түүнийг ийм нарийхан бэлхүүстэй болохын тулд хавирганаасаа авахуулсан гэдэг. Харин хэсэг хүмүүс дээд талын хавиргагүйгээр түүнийх шиг хэмжээтэй хөхийг дэмжих тогтоох боломж биологийн хувьд байх боломжгүй хэмээдг. Гэсэн хэдий ч бид олон хүний боломжгүй гэж итгэж байсан зүйлийг бодитоор биелүүлсэн түүгээр бахархах хэрэгтэй.
Тэр хэрхэн галбираа хадгалдаг вэ?
Өмнө нь Валериа маш бага идсэнээр жингээ барьж, галбираа энэ хэвээр нь байлгадаг гэж хэлж байсан. Хоол идэхдээ шингэн шөл, зутан зэрэг хурдан боловсрох хоол хүнс хэрэглэхийн дээр үргэлж дасгал хөдөлгөөнөөр хичээллэдэг байна.
Тэр тайван байхыг хүссэн
Өмнө нь түүнийг ганцаараа хол зэлүүд газар очиж амьдрахаар явсан гэсэн мэдээллүүд гарч байсан. Мэдээж энэ нь амжилттай болоогүй учраас буцаж ирсэн ч дахин оролдож үзнэ гэдгээ тэр мэдэгдээд амжсан.
Биеэ янзлуулаагүй гэж тэр худал хэлсэн
Өмнө дурдсанчлан Валериа биендээ огтхон ч мэс хүргээгүй, дасгал хөдөлгөөн, хатуу хоолны дэглэмийн үр дүнгээр ийм болсон гэж байсан ч хүмүүс мэдээж үүнд нь итгээгүй юм.
Тэр нарны туяанд байх дургүй
Валериа гэрэл гэгээтэй, нартай газраас аль болох зайлсхийх гэж хичээдэг. Учир нь наранд борлочихвий гэж санаа зовдог гэнэ. Тэр арьсаа цагаан байлгах дуртай бөгөөд түүний наранд хэвтэж байгаа зургууд нь зүгээр л мөнгөний төлөөх үйлдэл гэнэ шүү.
Тэр бүх үнэнээ дэлгэсэн
Валериа хэдийгээр биенийхээ аль нэг хэсэгт мэс хүргээгүй гэж урт хугацаанд мэлзсэн ч сүүлийн үед шууд бусаар үнэнээ илчилж байгаа. Нэгэн ярилцлагынхаа үеэр одоо байгаа биендээ сэтгэл хангалуун байгаа болон хөхөндөө мэс ажилбар хийлгэсэн гэдгээ хүлээн зөвшөөрсөн.
Ольгагын амьдрал
Харин одоо Ольга өөрийн гадаад дүр төрхөндөө сэтгэл хангалуун байгаа учраас эгчийгээ дуурайхаа больжээ. Гэхдээ тэр эгчийг нь барби гэж дуудахад тун дургүй. Учир нь Валериаг гадаад дүр төрхөөс илүү сайхан сэтгэлтэй нэгэн гэж тэр боддог аж.
Түүний дүү
Валериагын дүү Ольга ч гэсэн тун үзэсгэлэнтэй нэгэн боловч эгчтэйгээ ердөө ч адилхан харагддаггүй. Ольга хар бор өнгийн үстэй, хурц ширүүн харцтай. Өмнө нь тэр эгчийнхээ гадаад байдалд атаархдаг байсан учраас түүн шиг харагдахыг хичээж байсан ч амьдралын энэ хэв маяг түүнд тохирохгүй гэдгийг ухаарсан байна.
Эцэг эхийнхээ амьдралыг дагахыг хүсээгүй
Түүнийг болон дүүг нь өсгөхийн тулд эцэг эхийнхээ хэрхэн зовж зүдэрч байгааг нүдээрээ харсан Валериа тэдний адил амьдрахыг хүсээгүй юм. Тийм ч учраас тэр мөнгө олж болох арга хайж эхэлсэн байна.
Тэрээр дайралтанд өртөж байсан
2014 оны Халловины баярын өдөр Одессо хотноо 2 үл мэдэгдэх залуу түүнийг гэрийнх нь гадаа зодож танхайрсан хэрэг гарчээ. Тэд түүнийг боомилж, олон удаа гараараа цохисон байна. Азаар Валериагын хөрш гарч ирж түүний амийг аварсан ч тэр эмнэлэгт хэвтэж удаан хугацаанд эмчлүүлжээ.
Төгс төгөлдөрт тэмүүлсээр
Биднээс ялгаатай нь Валериа "Төгс төгөлдөрт зах хязгаар байдаггүй" гэж боддог учраас үргэлж төгс болохын төлөө зүтгэж байдаг. Гэхдээ төгс байх нь маш их стресс дагуулдаг талаар тэр хэд хэдэн хэвлэлд ярьсан удаатай.
Төгс байхын төлбөр
Тэрээр өөрийн ярилцлаганууддаа түүнийг амьд хүн гэдгээс нь илүүгээр бэлэг тэмдэг мэт хандаж буй явдалд дургүйцлээ илэрхийлж байсан. Олны анхаарлын төвд байхыг хүсдэг ч зөвхөн гадаад байдлаараа алдартай байхыг хүсэхгүй байгаа хэмээн дурдаж байсан.
