1
Арьсаа арчилдаг
Тэрээр арьсаа эрүүл, гэрэлтсэн харагдуулахад тулд витамин С-тэй серум хэрэглэдэг байна. Ялангуяа арьс нь хуурайшсан үед түлхүү хэрэглэдэг аж. Хэрвээ түүний арьс хэт хуурайшвал эмийн сангаас Е витаминтай капсул худалдан авч түүнийгээ бутлан нүүрэндээ түрхдэг гэнэ шүү. Орой бүр нүүрнийхээ будгийг маш сайн угааж арилган унтдаг бөгөөд арилгахын тулд тусгай сойз ашигладаг аж.
2
Нарнаас арьсаа хамгаалдаг
Арьсыг нарны хортой туяанаас хамгаалах нь маш чухал гэдгийг дуучин бүсгүй онцолж хэлжээ. Харин тэрээр нарнаас хамгаалах тосны оронд хүүхдийн тос түрхдэг байна.
3
Ус сайн уудаг
Шакира нь бие организмыг шингэний дутагдалд оруулдаг давстай хоол хүнснээс татгалзаж, цэвэр ус сайн уудаг байна. Тиймдээ ч түүний царай гэрэлтсэн, чийглэг харагддаг аж.
4
Нүүр будалт
Нүүрээ будахдаа "Илүү энгийн - илүү сайн" гэсэн зарчмыг баримталдаг байна. Уруулаа зөөлөн, хурц биш өнгөтэй уруулын будгаар будаж, бусдын анхаарлыг зөвхөн нүдэн дээрээ татаж, нүдээ илүү гэрэлтүүлдэг аж.
5
Арьсаа өөрөө арчилдаг
Тэрээр СПА болон янз бүрийн гоо сайхны эмчилгээнд ордоггүй бөгөөд өөрөө л арчилдаг байна.
6
Зөв хооллолт
Алдарт дуучин бүсгүй нь идэх үнэхээр дуртай учраас зөв хооллож эхлэхийн тулд өөрийгөө хянах хэрэгтэй болсон гэнэ. Одоо ч маш их иддэг боловч зөвхөн эрүүл мэндэд тустай хоол хүнсийг сонгодог болсон аж.
7
Үс арчилгаа
Тэрээр үс арчилгаанд ямар нэгэн тусгай эсвэл үнэтэй бүтээгдэхүүн, хэрэгсэл ашигладаггүй. Наранд гарахаасаа өмнө үсээ ангижруулагчаар угаадаг гэсэн байна.
8
Инээмсэглэл
Шакира хэлэхдээ "Ямар ч эмэгтэйд зориулсан хамгийн сайхан "нүүр будалт" бол инээмсэглэл гэж боддог. Сайхан инээмсэглэвэл өөртөө итгэх итгэлийг нэмэгдүүлдэг. Тиймээс шүдээ сайн арчилж байх хэрэгтэй" хэмээжээ.
